ഓയൂർ: ബൈക്കും ഓട്ടോറിക്ഷയും കൂട്ടിയിടിച്ച് പരിക്കേ​റ്റ് ചികിത്സയിലിരുന്ന ബൈക്ക് യാത്രികൻ വെളിയം പടിഞ്ഞാ​റ്റിൻകര ചൂരക്കോട് മോഹനത്തിൽ മോഹനന്റെ മകൻ അനന്ദു (24) മരിച്ചു. ശനിയാഴ്ച ഉച്ചയ്ക്ക് 12 മണിയോടെ കൊട്ടറ ശങ്കരമംഗലം സ്‌കൂളിന് സമീപത്തായിരുന്നു അപകടം. നെടുമൺകാവ് ഭാഗത്തുനിന്നും മീയ്യണ്ണൂരിലേക്ക് പോവുകയായിരുന്ന ബൈക്കും എതിർദിശയിൽ വന്ന ഓട്ടോയും തമ്മിൽ കൂട്ടിയിടിക്കുകയായിരുന്നു.

സാരമായി പരിക്കേ​റ്റ അനന്ദു തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്നലെ പുലർച്ചെ മരിച്ചു. അപകടത്തിൽ ഓട്ടോഡ്രവർ ബദറുദ്ദീൻ, യാത്രക്കാരായ കുണ്ടുമൺ മൂലവിളവീട്ടിൽ റിയാസിന്റെ ഭാര്യ താഹിറ, മക്കളായ റോജിഷ, സുബഹാന എന്നിവർക്കും പരിക്കേ​റ്റിരുന്നു.