ചാത്തന്നൂർ ശ്രീ നികേതൻ ഡീ അഡിക്ഷൻ സെന്ററിൽ സ്ത്രീ - ശിശു ശാക്തീകരണ ദേശീയ ശില്പശാല നടത്തി. വനിതാ ശിശുക്ഷേമ ദേശീയ പുരസ്കാര ജേതാവ് ഡോ. എൻ. രവീന്ദ്രൻ പരിപാടി ഉദ്ഘാടനം ചെയ്തു. ഇത്തിക്കര ബ്ലോക്ക് പഞ്ചായത്ത് അംഗം ഗിരികുമാർ അദ്ധ്യക്ഷത വഹിച്ചു. ബ്ലോക്ക് അംഗം മൈലക്കാട് സുനിൽ, ഇഗ്നോ ചാത്തന്നൂർ സ്റ്റഡി സെന്റർ കോ ഒാർഡിനേറ്റർ ഡോ. വി. ശാന്തകുമാരി, ശ്രീനികേതൻ സെൻട്രൽ സ്കൂൾ പ്രിൻസിപ്പൽ വി. മഹേഷ് കുമാർ, കോ ഒാർഡിനേറ്റർ സദനകുമാരി, ജോൺ എബ്രഹാം എന്നിവർ പ്രസംഗിച്ചു. ഡോ. ആശ, ഡോ. മെൽവിൻ എന്നിവർ വിഷയാവതരണം നടത്തി. കേന്ദ്ര വനിതാ ശിശുക്ഷേമ മന്ത്രാലയം, ചാത്തന്നൂർ ശ്രീനികേതൻ ഫാമിലി കൗൺസലിംഗ് ആൻഡ് ഗാർഹിക പീഡന നിരോധന കേന്ദ്രം എന്നിവയുടെ സംയുക്താഭിമുഖ്യത്തിലാണ് ശില്പശാല നടന്നത്.