അ​മൃ​ത​പു​രി: കൊ​ല്ലം അ​മൃ​ത​പു​രി കാമ്പ​സി​ലെ ഇ​ല​ക്ട്രി​ക്കൽ എ​ൻജി​നി​യ​റിം​ഗ് വി​ദ്യാർ​ത്ഥി​കൾ സോ​ളാ​റിലും വൈ​ദ്യു​തി​യി​ലും പ്ര​വർ​ത്തി​ക്കു​ന്ന മൂന്നു ചക്രമുള്ള കാർ നിർമ്മിച്ചു.
അ​മൃ​ത​പു​രി​യിൽ ന​ട​ക്കു​ന്ന ത്രി​ദി​ന ദേ​ശീ​യ​സെ​മി​നാർ വി​ദ്യു​ത് 19ലെ പ്ര​ധാ​ന താ​ര​വും ഈ കാ​റു​ത​ന്നെ. സൗ​രോർ​ജ്ജ​ത്തി​ലും വൈ​ദ്യു​തി​യി​ലും ഏ​റ്റ​വും കൂ​ടു​തൽ സ​മ​യം പ്ര​വർ​ത്തി​ക്കുന്ന ഭാ​രം കു​റ​ഞ്ഞ​ വാ​ഹ​നം എന്ന പ്രത്യേകതയും ഉണ്ട്.

ഇ​ല​ക്ട്രി​ക്കൽ വി​ഭാ​ഗം അ​സി. പ്രൊ​ഫ​സർ ഭ​ര​ത് കെ.ആ​റി​ന്റെ മാർഗ നിർദ്ദേശത്തിൽ ഇ​ല​ക്ട്രി​ക്കൽ വി​ഭാ​ഗ​ത്തി​ലെ 14 പെൺ​കു​ട്ടി​ക​ള​ട​ക്കം 39 പേ​ര​ട​ങ്ങു​ന്ന വി​ദ്യാർ​ത്ഥി​സം​ഘത്തിന്റെ പ്രയത്നഫലമാണ് ഈ കാർ. വാ​ഹ​ന​ങ്ങ​ളു​ടെ മെ​ക്കാ​നി​സ​ത്തിൽ ഏ​റെ തത്പര​നാ​യ നാ​ലാം​വർ​ഷ വി​ദ്യാർ​ത്ഥി​ ഹ​രി​കൃ​ഷ്​ണന്റെ നേതൃത്വത്തിലായിരുന്നു നിർമ്മാണം. കോ​യ​മ്പ​ത്തൂ​രും ബംഗളൂരുവിലും ന​ട​ന്ന മ​ത്സ​ര​ങ്ങ​ളിൽ ഒ​ന്നാം സമ്മാനം നേടിയിരുന്നു. ബം​ഗ​ളൂരു​വി​ലെ തി​ര​ക്കേ​റി​യ റോ​ഡി​ലൂ​ടെ ഓ​ടി​ച്ചാ​ണ് വാ​ഹ​ന​ത്തി​ന്റെ മി​ക​വ് ഇ​വർ തെ​ളി​യി​ച്ച​ത്. അന്ന് ന​ല്ല മോ​ഡ​ലി​നു​ള്ള പു​ര​സ്​കാ​ര​വും സ്വ​ന്ത​മാ​ക്കി.

കാ​റി​ന്റെ നിർ​മ്മാ​ണ​ത്തി​നാ​യി ചെ​ല​വാ​യത് ഒ​രു ല​ക്ഷ​ത്തി പ​തി​നാ​യി​രം രൂ​പ​യാ​ണ്. രണ്ടു മ​ണി​ക്കൂർ ചാർ​ജ് ചെ​യ്​താൽ 3 മ​ണി​ക്കൂ​റോ​ളം കാർ ഓ​ടും. നി​ര​ത്തി​ലി​റ​ങ്ങി​യാൽ സൗ​രോർ​ജ്ജം ​സ​മാ​ഹ​രി​ച്ച് പി​ന്നെ​യും കി​ലോ​മീ​റ്റ​റു​കൾ ​പാ​യും. ഒ​രാൾ​ക്ക്​ സ​ഞ്ച​രി​ക്കാൻ ക​ഴി​യു​ന്ന​വി​ധ​ത്തി​ലാ​ണ് രൂ​പ​കല്പന​. കൂ​ടു​തൽ​പേർ​ക്ക് സ​ഞ്ച​രി​ക്കാൻ ക​ഴി​യു​ന്ന മോ​ഡേൺ ഇ​ല​ക്ട്രി​ക് ബ​സ് ഒ​രു​ക്കു​ക​യാ​ണ് ഇ​വ​രു​ടെ ല​ക്ഷ്യം. അ​മേ​രി​ക്ക​യിലെ രാജ്യാന്തര വേദിയിൽ മാ​റ്റു​ര​യ്ക്കാ​നാ​യി ഫുൾ ഇ​ല​ക്ട്രി​ക് ഫോർ​മു​ല കാ​റിന്റെ പ​ണി​പ്പു​ര​യി​ലാ​ണ് ഈ ചു​ണ​ക്കു​ട്ടി​കൾ.