തൃശൂർ: കൂർക്കഞ്ചേരി ശ്രീമാഹേശ്വര ക്ഷേത്രത്തിൽ എസ്.എൻ.ബി.പി യോഗത്തിന്റെ ആഭിമുഖ്യത്തിൽ വിദ്യാരാജഗോപാല മന്ത്രാർച്ചന നടത്തി. നൂറുകണക്കിന് കുട്ടികൾ പങ്കെടുത്തു. ശിവഗിരി മഠത്തിലെ സ്വാമി ബ്രഹ്മസ്വരൂപാനന്ദ മുഖ്യകാർമ്മികത്വത്തിൽ ക്ഷേത്രം മേൽശാന്തി രമേഷ് ശാന്തിയുടെ നേതൃത്വത്തിൽ പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്കായി വിദ്യാഗോപല മന്ത്രാർച്ചന നടന്നു. യോഗം പ്രസിഡന്റ് തോപ്പിൽ പീതാംബരൻ, വൈസ് പ്രസിഡന്റ് സി.എസ്. മംഗൾദാസ്, സെക്രട്ടറി പി.കെ. ബാബു, ട്രഷറർ കെ.കെ. പ്രകാശൻ, അസിസ്റ്റന്റ് സെക്രട്ടറി ഉന്മേഷ് പാറയിൽ, ഭരണസമിതി അംഗങ്ങളായ എം.കെ. സൂര്യപ്രകാശ്, ഡോ. ടി.കെ. വിജയരാഘവൻ, പി.വി. ഗോപി, കെ.വി. ജിനേഷ്, ആനന്ദപ്രസാദ്‌ തേറയിൽ, കെ.കെ. ജയൻ, സുനിൽ പയ്യപ്പാടൻ എന്നിവർ നേതൃത്വം നൽകി.