 75,000 വിദ്യാർത്ഥികൾക്ക് ഒരേസമയം ലോഗിൻ ചെയ്യാൻ കഴിയുന്ന അതിവേഗ വെബ്പോർട്ടൽ

 മികച്ച പ്രതികരണത്തോടെ രജിസ്‌ട്രേഷൻ തുടരുന്നു

 മിടുക്കരായ വിദ്യാർത്ഥികൾക്ക് 10,000 രൂപ വീതം കാഷ് അവാർഡ്

തിരുവനന്തപുരം: സാങ്കേതിക വിദ്യാഭ്യാസരംഗത്ത് മികച്ച അവസരം ആഗ്രഹിക്കുന്ന വിദ്യാർത്ഥികൾക്കായി ഓൺലൈൻ പരീക്ഷാ പരിശീലന പദ്ധതിക്ക് കേരളകൗമുദി തുടക്കമിടുന്നു. ഇൗ വർഷം ഐ.ഐ.ടി, ജെ.ഇ.ഇ പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾക്കായാണ് കേരളകൗമുദി മുൻ ചെയർമാൻ മാധവി സുകുമാരന്റെ സ്‌മരണയ്‌ക്കായി രൂപീകരിച്ച മാധവി സുകുമാരൻ ഫൗണ്ടേഷന്റെ ആഭിമുഖ്യത്തിലുള്ള പദ്ധതി. ഉന്നത പഠന-പരിശീലന രംഗത്തെ പ്രമുഖരായ കരിയർ അനലറ്റിക്കയുടെ സഹകരണത്തോടെ നടപ്പാക്കുന്ന പദ്ധതിയിലേക്ക് രജിസ്ട്രേഷൻ തുടരുന്നു. പത്രപ്രവർത്തനത്തെ സാമൂഹിക മാറ്റത്തിനും സാമൂഹിക മുന്നേറ്റത്തിനും ഉപകരണമാക്കിയ കേരളകൗമുദിയുടെ ആഭിമുഖ്യത്തിലുള്ള നവീന വിദ്യാഭ്യാസ പദ്ധതിയിൽ പരിശീനത്തിന് 24 മണിക്കൂറും അവസരം ലഭിക്കുമെന്നതാണ് പ്രത്യേകത. സൗകര്യപ്രദമായ സമയം വിദ്യാർത്ഥികൾക്കുതന്നെ തിരഞ്ഞെടുക്കാം.

2019 ലെ IIT-JEE ഒാൺലൈൻ പരീക്ഷകൾക്കുള്ള പരിശീലനത്തിന് തുടക്കമായി. മാർച്ച് 31 നാണ് മാതൃകാ പരീക്ഷ (മോക്ക് ടെസ്റ്റ്). ഏപ്രിൽ ഒന്നിന് ഫലം പ്രഖ്യാപിക്കും. മോക്ക് ടെസ്റ്റിൽ 85 ശതമാനത്തിലധികം സ്കോർ നേടുന്ന 10 വിദ്യാർത്ഥികൾക്ക് 10,000 രൂപ കാഷ് അവാർഡ് ലഭിക്കും. ഈ വിദ്യാർത്ഥികൾ പഠിക്കുന്ന സ്കൂളുകൾക്കും പ്രത്യേക ഉപഹാരം നൽകും. ഇൗ രംഗത്ത് നൽകുന്ന ഉയർന്ന കാഷ് അവാർഡാണിത്. ഒരേസമയം 75,000 വിദ്യാർത്ഥികൾക്ക് ലോഗിൻ ചെയ്യാൻ കഴിയുന്ന അതിവേഗ വെബ്പോർട്ടലിൽ പരിശീലനസൗകര്യം ലഭിക്കുന്നതിന് പുറമേ ഒാരോ പരീക്ഷയ്ക്ക് ശേഷവും ലഭിക്കുന്ന തത്സമയഫലം വിശകലനം ചെയ്ത് സംസ്ഥാനതലത്തിൽ എത്രാമത്തെ റാങ്കിലാണെന്ന് അറിയാനും എത്രമാത്രം പരിശീലനം ഇനിയും ആവശ്യമുണ്ടെന്ന് മനസിലാക്കാനും കഴിയും. ശരിയുത്തരത്തിലേക്കുള്ള ദിശാസൂചികയും അതോടൊപ്പം ലഭിക്കുന്നത് കൂടാതെ ഒാരോ ചോദ്യത്തിനും ഉത്തരം നൽകാൻ വേണ്ടി വന്ന സമയവും വ്യക്തമാക്കിത്തരും. www.keralakaumudi.com എന്ന വെബ്സൈറ്റിൽ രജിസ്റ്റർ ചെയ്യാം. വിശദ വിവരങ്ങൾക്ക്: 75598 95555, 9946108421.