നെയ്യാറ്റിൻകര : നെയ്യാറ്റിൻകര രൂപതയുടെ സാമൂഹ്യ സംഘടനയായ നിഡ്‌സിന്റെ 23 ാം വാർഷികം- ഗ്രാമ്യ- 2019 ന് തുടക്കമായി. വ്ളാങ്ങാമുറി ലോഗോസ് പാസ്റ്ററൽ സെന്ററിൽ ആരംഭിച്ച ചടങ്ങുകൾ സി.കെ. ഹരീന്ദ്രൻ എം.എൽ.എ ഉദ്ഘാടനം ചെയ്തു. ഇന്ന് വൈകിട്ട് വാർഷികാഘോഷങ്ങൾ സമാപിക്കും. നിഡ്‌സ് പ്രസിഡന്റ് വികാരി ജനറൽ ഫാ. ജി. ക്രിസ്തുദാസ് അദ്ധ്യക്ഷത വഹിച്ചു. എം. വിൻസെന്റ് എം.എൽ.എ, നെടുമങ്ങാട് റീജിയൻ കോ ഓർഡിനേറ്റർ ഫാ.റൂഫസ് പയസലീൻ , നിഡ്‌സ് കമ്മിഷൻ
സെക്രട്ടറി ഫാ.ക്ലീറ്റസ്, നിഡ്‌സ് ഡയറക്ടർ ഫാ.രാഹുൽ ബി ആന്റോ, ആനിമേറ്റർ ലളിത, ബേബി മേഘ്‌ന, സിസ്റ്റർ ജസ്സി അറക്കൽ, ബീനകുമാരി തുടങ്ങിയവർ പ്രസംഗിച്ചു. ഇന്ന് രാവിലെ നടക്കുന്ന രോഗ നിർണയ ക്യാമ്പ് രൂപത ശുശ്രൂഷ കോ ഓർഡിനേറ്റർ ഫാ.പി.പി. ജോസ് ഉദ്ഘാടനം ചെയ്യും. ഉച്ചക്ക് 2.30ന് നടക്കുന്ന സമാപന സമ്മേളനം നെയ്യാറ്റിൻകര ബിഷപ് ഡോ. വിൻസെന്റ് സാമുവൽ ഉദ്ഘാടനം ചെയ്യും. കെ. ആൻസലൻ എം.എൽ.എ മുഖ്യാതിഥിയായിരിക്കും.