മൂവാറ്റുപുഴ: തൊഴുത്ത് വൃത്തിയാക്കുന്നതിനിടെ അമ്പലക്കാളയുടെ കുത്തേറ്റ് പോത്താനിക്കാട് ഇല്ലിച്ചുവട് മയിലാടുംപാറയിൽ മാത്യൂസ് ജോസഫ് (61) മരിച്ചു. വെള്ളൂർക്കുന്നം മഹാദേവക്ഷേത്രത്തി​ൽ ഇന്നലെ വൈകി​ട്ടാണ് സംഭവം.ശിവരാത്രിയോടനുബന്ധിച്ച് ക്ഷേത്രത്തി​ൽ പണിക്ക് എത്തിയതാണ് മാത്യൂസ് ജോസഫും രണ്ടു സുഹൃത്തുക്കളും.കാളയെ മാറ്റി​ക്കെട്ടി​യ ശേഷം തൊഴുത്ത് വൃത്തിയാക്കുന്നതിനി​ടെ , കെട്ടഴി​ഞ്ഞ കാള ഇദ്ദേഹത്തെ കുത്തി​വീഴ്ത്തുകയായിരുന്നു. ആശുപത്രിയിലേക്ക് കൊണ്ടു പോകും വഴിയാണ് മരണം. കൈയ്ക്കും നെഞ്ചിനും പരിക്കേറ്റിരുന്നു . ക്ഷേത്രത്തിലെ കാളകളെയും പശുക്കളെയും പരി​പാലി​ക്കുന്നവർ ബലിതർപ്പണത്തിന് പോയി​രി​ക്കുകയായി​രുന്നു. തൊഴുത്ത് ശുചീകരിക്കാൻ മാത്യൂസ് ജോസഫിനെ ചുമതലപ്പെടുത്തിയിരുന്നില്ലെന്നു പറയുന്നു .ഭാര്യ ഗ്രേസി. മക്കൾ: ജിജോ, ജിൻസ്, ജിസി.