ആറ്റിങ്ങൽ: അവനവഞ്ചേരി ഗവ. ഹൈസ്കൂൾ, ആറ്റിങ്ങൽ ബോയ്സ് ഹയർ സെക്കൻഡറി സ്കൂൾ എന്നിവിടങ്ങളിൽ പരിശീലനം പൂർത്തിയാക്കിയ സ്റ്റുഡന്റ് പൊലീസ് കേഡറ്റുകളുടെ പാസിംഗ് ഔട്ട് പരേഡ് ആറ്റിങ്ങൽ ബോയ്സ് എച്ച്.എസ്.എസിൽ നടന്നു. രണ്ടു വർഷത്തെ തീവ്രപരിശീലനം പൂർത്തിയാക്കിയ 88 കേഡറ്റുകളാണ് പരേഡിൽ പങ്കെടുത്തത്. അവനവഞ്ചേരി സ്കൂളിലെ ആൺകുട്ടികളുടെയും പെൺകുട്ടികളുടെയും ഓരോ ബാച്ചും ആറ്റിങ്ങൽ ബോയ്സ് ഹയർസെക്കൻഡറി സ്കൂളിലെ ആൺകുട്ടികളുടെ രണ്ടു ബാച്ചും അണിനിരന്ന പരേഡിന് അവനവഞ്ചേരി സ്കൂളിലെ എസ്. അനന്തൻ നേതൃത്വം നൽകി.
തിരുവനന്തപുരം റൂറൽ ജില്ലാ പൊലീസ് മേധാവി ബി. അശോകൻ അഭിവാദ്യം സ്വീകരിച്ചു. എസ്.പി.സി പ്രോജക്ടിന്റെ ജില്ലാ നോഡൽ ഓഫീസർ പി. അനിൽകുമാർ, ജില്ലാ അസി. നോഡൽ ഓഫീസർമാരായ എസ്. രാജഗോപാൽ, അനിൽകുമാർ, നഗരസഭാ കൗൺസിലർമാരായ കെ.എസ്. സന്തോഷ് കുമാർ, പ്രിൻസ് രാജ്, അവനവഞ്ചേരി ഗവ. ഹൈസ്കൂൾ പി.ടി.എ പ്രസിഡന്റ് അഡ്വ. എൽ.ആർ. മധുസൂദനൻ നായർ, ആറ്റിങ്ങൽ ബോയ്സ് ഹയർ സെക്കൻഡറി സ്കൂൾ പ്രിൻസിപ്പൽ രജിത്കുമാർ, ഹെഡ്മാസ്റ്റർ എസ്. മുരളീധരൻ, അവനവഞ്ചേരി ഗവ. ഹൈസ്കൂൾ ഹെഡ്മിസ്ട്രസ് എം.ആർ. മായ, കെ. ശ്രീകുമാർ എന്നിവർ സംസാരിച്ചു.
പരേഡിൽ മികച്ച പ്രകടനം കാഴ്ചവച്ച കേഡറ്റുകൾക്ക് ജില്ലാ പൊലീസ് മേധാവി ഉപഹാരങ്ങൾ സമ്മാനിച്ചു. അനുമോദന യോഗം ആറ്റിങ്ങൽ എസ്.എച്ച്.ഒ എസ്. ഷാജി ഉദ്ഘാടനം ചെയ്തു. കമ്യൂണിറ്റി പൊലീസ് ഓഫീസർമാരായ എൻ. സാബു, എസ്. സബീല, എം.എസ്. സൈജാറാണി, ഡ്രിൽ ഇൻസ്ട്രക്ടർമാരായ ആർ.എസ്. അനിൽ, ആർ. അജി, ശ്രീജൻ ജെ. പ്രകാശ്, രേഖ ആർ. നാഥ് എന്നിവർ പരേഡിന് നേതൃത്വം നൽകി. പരേഡിൽ പങ്കെടുത്ത മുഴുവൻ കേഡറ്റുകൾക്കും മെഡലുകൾ നൽകി ആദരിച്ചു. കൂടാതെ മികച്ച പ്രവർത്തനം കാഴ്ചവച്ചതിന് വിമുക്തഭടനും സ്കൂളിലെ ഓഫീസ് അസിസ്റ്റന്റുമായ പി.കെ. ബാബുവിനെ ആദരിച്ചു.