തിരുവനന്തപുരം: സംസ്ഥാനത്ത് റേഷൻകാർഡ് കൈപ്പറ്റാത്ത കാർഡുടമകളുടെ വിവരം സിവിൽ സപ്ലൈസ് വകുപ്പിന്റെ വെബ്‌സൈറ്റിൽ (www.civilsupplieskerala.gov.in) ജില്ല തിരിച്ച് താലൂക്ക് സപ്ലൈ/സിറ്റി റേഷനിംഗ് ഓഫീസുകളിലെ പട്ടിക പ്രസിദ്ധീകരിച്ചു. കാർഡുടമകൾ 13 നകം അതാത് താലൂക്ക് സപ്ലൈ ഓഫീസ്/ സിറ്റി റേഷനിംഗ് ഓഫീസുകളിൽ എത്തി ഇതുവരെ വാങ്ങാത്തതിനുള്ള കാരണം കാണിച്ച് അപേക്ഷ നൽകി കാർഡുകൾ കൈപ്പറ്റണം. അല്ലെങ്കിൽ കാർഡുകൾ റദ്ദുചെയ്യും. ഇപ്രകാരം റദ്ദാക്കിയ കാർഡുകളിൽപ്പെട്ടവർ പിന്നീട് പുതിയ കാർഡിന് അപേക്ഷ നൽകിയാൽ അവരിൽ നിന്നും പഴയ കാർഡ് അച്ചടിക്കു ചെലവായ തുക പിഴയായി ഈടാക്കുമെന്ന് സിവിൽ സപ്ലൈസ് ഡയറക്ടർ അറിയിച്ചു.