പാറശാല: ഇഞ്ചിവിള ഗവ. എൽ.പി.സ്‌കൂളിന്റെ 55ാം വാർഷികാഘോഷങ്ങൾ സി.കെ. ഹരീന്ദ്രൻ എം.എൽ.എ ഉദ്‌ഘാടനം ചെയ്തു. പാറശാല ഗ്രാമ പഞ്ചായത്ത് പ്രസിഡന്റ് എസ്. സുരേഷ് അദ്ധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. സെയ്ദലി സ്വാഗതവും ആശംസിച്ചു. ഹെഡ്മിസ്ട്രസ് എം. ഗ്ലോറി സ്റ്റെല്ല റിപ്പോർട്ട് അവതരിപ്പിച്ചു. നാടക - സീരിയൽ നടനായ പാറശാല വിജയൻ മുഖ്യപ്രഭാഷണം നടത്തി. പാറശാല ബ്ലോക്ക് പഞ്ചായത്ത് പ്രസിഡന്റ് വി.ആർ. സലൂജ, ബ്ലോക്ക് പഞ്ചായത്തംഗം വൈ. സതീഷ്, പാറശാല ഉപജില്ലാ വിദ്യാഭ്യാസ ഓഫീസർ എ. സെലിൻ ജോസഫ്, ബി.ആർ.സി കോ-ഓർഡിനേറ്റർ ബീജ, എസ്.എം.സി ചെയർമാൻ ടി. ഫാസിൽ പൂർവ പ്രഥമാദ്ധ്യാപകരായിരുന്ന കെ.പി. പ്രേമചന്ദ്രൻ, സത്യദാസ്, സ്റ്റാഫ് സെക്രട്ടറി ജെ. ശോഭന എന്നിവർ സംസാരിച്ചു. ചടങ്ങിൽ പങ്കെടുത്ത പൂർവ പ്രഥമാദ്ധ്യാപകരെ വി.ആർ. സലൂജ ആദരിച്ചു.