മുടപുരം: തിരുവനന്തപുരത്ത് ആദ്യമായി ഐ.എസ്.ഒ അംഗീകാരം നേടിയ മംഗലപുരം പ്രാഥമികാരോഗ്യ കേന്ദ്രം ലോകാരോഗ്യ സംഘടന (ഡബ്ല്യു.എച്ച്.ഒ) പ്രതിനിധികൾ സന്ദർശിച്ചു. ജീവിതശൈലി രോഗങ്ങൾ നിയന്ത്രിക്കുന്നത് വിലയിരുത്താനെത്തിയ സംഘം മംഗലപുരം ഗ്രാമപഞ്ചായത്ത് നടപ്പിലാക്കുന്ന ഗ്രാമസ്പന്ദനം പദ്ധതിയെ അഭിനന്ദിച്ചു. ആശുപത്രിയുടെ ശുചിത്വം ഉൾപ്പെടെ എല്ലാ പ്രവർത്തനങ്ങളും മാതൃകയാണെന്നും സംഘം അഭിപ്രായപ്പെട്ടു. ഗ്രാമപഞ്ചായത്ത്‌ പ്രസിഡന്റ് വേങ്ങോട് മധു, വികസനകാര്യ ചെയർമാൻ മംഗലപുരം ഷാഫി, മെഡിക്കൽ ഓഫീസർ മിനി.പി.മണി, ആരോഗ്യകേന്ദ്രത്തിലെ ജീവനക്കാർ എന്നിവരുമായി സംഘം ചർച്ച നടത്തി.