കുഴിത്തുറ: ക​ടം​ ​വാ​ങ്ങി​യ​ ​പ​ണം​ ​തി​രി​ച്ചു​ ​ന​ൽ​കി​യി​ല്ലെ​ന്നാ​രോ​പി​ച്ച് ​ബന്ധുവി​ന്റെ ​നാ​ലു​വ​യ​സുള്ള​ ​മ​ക​നെ​ ​ത​ട്ടി​ക്കൊ​ണ്ടു​പോ​യി​ ​വാ​ട്ട​ർ​ടാ​ങ്കി​ൽ മുക്കിക്കൊന്ന യുവാവ് അറസ്റ്റിൽ. ക​ന്യാ​കു​മാ​രി​ക്ക് ​സ​മീ​പം​ ​ആ​രോ​ഗ്യ​പു​രം​ ​സ്വ​ദേ​ശി അ​ന്തോ​ണി​ ​സ്വാ​മിയാണ്​ (36) അറസ്റ്റിലായത്. ആ​രോ​ഗ്യ​പു​രം​ ​സ്വ​ദേ​ശി​ ​ആ​രോ​ഗ്യ​ ​കെ​പി​ൻ​രാ​ജ് ​-​ ശ​ര​ണ്യ​ ​ദമ്പതി​ക​ളു​ടെ​ ​മ​ക​ൻ​ ​റെ​യ്‌​ന​യാ​ണ് ​കൊ​ല്ല​പ്പെ​ട്ട​ത്.​ ​കെ​പി​ൻ​ ​രാ​ജി​ന്റെ​ ​അ​മ്മ​യു​ടെ​ ​അടുത്തബന്ധുവാണ് അ​ന്തോ​ണി​ ​സ്വാ​മി.

സംഭവശേഷം ഒളിവിൽപ്പോയ ഇയാളെ പാലക്കാട്ട് നിന്നാണ് പിടികൂടിയത്. കന്യാകുമാരി ഡിവൈ.എസ്.പി ഭാസ്‌കരന്റെ നേതൃത്വത്തിൽ സ്‌പെഷ്യൽ സ്ക്വാഡുകൾ ഇയാൾക്കായി അന്വേഷണം ആരംഭിച്ചിരുന്നു. ഇതിനിടെ ഫോൺ ട്രാക്ക് ചെയ്‌തപ്പോൾ അന്തോണി സ്വാമി പാലക്കാട്ടേക്ക് പോകുകയാണെന്ന് വിവരം ലഭിച്ചു. തുടർന്ന് റെയിൽവേ പൊലീസിന്റെ സഹായത്തോടെ ട്രെയിനിൽ നിന്ന് പിടികൂടി കന്യാകുമാരിയിലെത്തിച്ചു. ചോദ്യം ചെയ്യലിൽ പ്രതി കുറ്റംസമ്മതിച്ചു. കെ​പി​ൻ​രാ​ജ് കടം വാങ്ങിയ ഒരു ലക്ഷം രൂപയിൽ 58,000 രൂപ തിരികെ നൽകിയില്ലെന്നും ഇതേത്തുടർന്നാണ് കുട്ടിയെ തട്ടിക്കൊണ്ട് പോയതെന്നും അന്തോണി സ്വാമി പൊലീസിനോട് പറഞ്ഞു. 17ന് കുട്ടി വീടിന്റെ മുറ്റത്ത് കളിച്ചു കൊണ്ടിരിക്കുന്നതിനിടെയാണ് അന്തോണി സ്വാമി കുട്ടിയെ ബൈക്കിൽ തട്ടിക്കൊണ്ടു പോയത്. തുടർന്ന് ശരണ്യയെ ഫോണിൽ വിളിച്ച് കുട്ടി തന്റെ പക്കലുണ്ടെന്നും ബാക്കി പണം തന്നാലെ തിരിച്ചയയ്ക്കൂ എന്നും പറഞ്ഞു. എന്നാൽ ബന്ധുക്കൾ പൊലീസിൽ പരാതി നൽകിയതോടെ കുട്ടിയെ വീടിന് സമീപത്തെ മണക്കുടിയിലുള്ള തെ​ങ്ങി​ൻ​തോ​പ്പിലെ​ ​വാ​ട്ട​ർ​ടാ​ങ്കി​ൽ മുക്കിക്കൊന്ന ശേഷം ട്രെയിനിൽ പാലക്കാട്ടേക്ക് പോയെന്നും അ​ന്തോ​ണി​ ​സ്വാ​മി പൊലീസിനോട് പറഞ്ഞു.