ക്രിസ്‌ഗെയ്‌ലിന് അർദ്ധ സെഞ്ച്വറി (79)

ജയ്‌പൂർ : അർദ്ധസെഞ്ച്വറിയുമായി ആളിപ്പടർന്ന ക്രിസ്ഗെയ്ൽ സമ്മാനിച്ച മികച്ച സ്കോർ ഇന്നലെ രാജസ്ഥാൻ റോയൽസിനെതിരായ ഐ.പി.എൽ മത്സരത്തിൽ പഞ്ചാബ് കിംഗ്സ് ഇലവന് 14 റൺസ് വിജയം സമ്മാനിച്ചു.

തങ്ങളുടെ സീസണിലെ ആദ്യ മത്സരത്തിൽ ഗെയ്ൽ 47 പന്തുകളിൽ 79 റൺസുമായി മിന്നിത്തിളങ്ങിയപ്പോൾ പഞ്ചാബ് കിംഗ്സ് ഇലവൻ നിശ്ചിത 20 ഓവറിൽ 184/4 എന്ന സ്കോറിലെത്തി. മറുപടിക്കിറങ്ങിയ രാജസ്ഥാൻ 170/9 എന്ന സ്കോറിൽ ഒതുങ്ങുകയായിരുന്നു. ചേസിംഗിനിറങ്ങി 16.3 ഒാവറിൽ 148/2 എന്ന നിലയിലായിരുന്ന രാജസ്ഥാൻ പിന്നീട് തകരുകയായിരുന്നു. 43 പന്തിൽ 69 റൺസടിച്ച ജോസ് ബട്ട്ലറെ 13-ാം ഒാവറിൽ മങ്കാഡിംഗിലൂടെ നഷ്ടമായ ശേഷമായിരുന്നു രാജസ്ഥാൻ തകർന്നത്. സഞ്ജു സാംസൺ (30) രഹാനെ ( 27) സ്മിത്ത് (20) എന്നിവരുടെ പുറത്താകലുകൾക്കും രാജസ്ഥാൻ വലിയ വില നൽകേണ്ടി വന്നു. അവസാന നാലോവറിൽ ഏഴുവിക്കറ്റുകളാണ് നഷ്ടമായത്.

നേരത്തേ എട്ട് ഫോറുകളും നാല് സിക്സുകളുമടക്കമായിരുന്നു ഗെയ്‌ലിന്റെ തകർപ്പൻ ഇന്നിംഗ്സ്. 29 പന്തുകളിൽ ആറ് ഫോറുകളും ഒരു സിക്സുമടക്കം പുറത്താകാതെ 46 റൺസ് നേടി ഇന്ത്യൻ യുവതാരം സർഫ്രാസ് ഖാനും ഗെയ്ലിന് പിന്തുണ നൽകി. മായാങ്ക് അഗർവാൾ 22 റൺസെടുത്തു.

ടോ​സ് ​നേ​ടി​യ​ ​രാ​ജ​സ്ഥാ​ൻ​ ​റോ​യ​ൽ​സ് ​ക്യാ​പ്ട​ൻ​ ​അ​ജി​ങ്ക്യ​ ​ര​ഹാ​നെ​ ​പ​ഞ്ചാ​ബി​നെ​ ​ബാ​റ്റിം​ഗി​ന് ​അ​യ​യ്ക്കു​ക​യാ​യി​രു​ന്നു.​ ​ക്രി​സ്‌​ഗെ​യ‌്ലും​ ​കെ.​എ​ൽ.​ ​രാ​ഹു​ലും​ ​ചേ​ർ​ന്നാ​ണ് ​ഓ​പ്പ​ണിം​ഗി​നാ​യി​ ​ഇ​റ​ങ്ങി​യ​ത്.
ആ​ദ്യ​ ​ഓ​വ​റി​ൽ​ ​ത​ന്നെ​ ​പ​ഞ്ചാ​ബി​ന് ​രാ​ഹു​ലി​നെ​ ​ന​ഷ്ട​മാ​യി.​ ​നാ​ലാം​ ​പ​ന്തി​ൽ​ ​ധ​വാ​ൽ​ ​കു​ൽ​ക്ക​ർ​ണി​യു​ടെ​ ​ബൗ​ളിം​ഗി​ൽ​ ​കീ​പ്പ​ർ​ ​ബ​ട്ല​ർ​ക്ക് ​കാ​ച്ച് ​ന​ൽ​കി​ ​രാ​ഹു​ൽ​ ​(4​)​ ​മ​ട​ങ്ങു​ക​യാ​യി​രു​ന്നു.​ ​തു​ട​ർ​ന്നി​റ​ങ്ങി​യ​ ​മാ​യാ​ങ്ക് ​അ​ഗ​ർ​വാ​ൾ​ ​ക്രി​സ്‌​ഗെ​യ‌്ലു​മാ​യി​ ​ചേ​ർ​ന്ന് ​ഇ​ന്നിം​ഗ്സ് ​കെ​ട്ടി​പ്പ​ടു​ത്തു.​ ​ര​ണ്ടാം​ ​ഓ​വ​റി​ൽ​ ​ഗൗ​ത​മി​നെ​ ​സി​ക്സി​ന് ​പ​റ​ത്തി​യ​ ​മാ​യാ​ങ്ക് ​പി​ന്നീ​ട് ​കൂ​റ്റ​ന​ടി​ക്കാ​ർ​ക്ക് ​ശ്ര​മി​ക്കാ​തെ​ ​ക്രീ​സി​ൽ​ ​പി​ടി​ച്ചു​ ​നി​ന്നു.​ ​ആ​ദ്യ​ ​അ​ഞ്ചോ​വ​റി​ൽ​ 31​/1​ ​എ​ന്ന​ ​നി​ല​യി​ലാ​യി​രു​ന്നു​ ​പ​ഞ്ചാ​ബ്.
ഒ​ൻ​പ​താം​ ​ഓ​വ​റി​ൽ​ ​മാ​യാ​ങ്കി​നെ​യും​ ​(22​)​ ​ന​ഷ്ട​മാ​യി.​ 24​ ​പ​ന്തു​ക​ൾ​ ​നേ​രി​ട്ട് ​ഒ​രു​ ​ഫോ​റും​ ​ര​ണ്ട് ​സി​ക്സു​മ​ടി​ച്ച​ ​മാ​യാ​ങ്കി​നെ​ ​ഗൗ​ത​മി​ന്റെ​ ​ബൗ​ളിം​ഗി​ൽ​ ​കു​ൽ​ക്ക​ർ​ണി​ ​പി​ടി​ക്കു​ക​യാ​യി​രു​ന്നു.​ ​ആ​ദ്യ​ ​പ​ത്തോ​വ​റു​ക​ൾ​ ​പി​ന്നി​ടു​മ്പോ​ൾ​ 68​/2​ ​എ​ന്ന​ ​നി​ല​യി​ലാ​യി​രു​ന്നു​ ​പ​ഞ്ചാ​ബ്.
12​-ാം​ ​ഓ​വ​റി​ലാ​ണ് ​ഗെ​യ്ൽ​ ​വി​ശ്വ​രൂ​പം​ ​പു​റ​ത്തെ​ടു​ത്ത​ത്.​ ​ജ​യ്‌​ദേ​വ് ​ഉ​ന​ദ്ക​റി​നെ​ ​ആ​ദ്യ​ ​മൂ​ന്ന് ​പ​ന്തു​ക​ളി​ലും​ ​തു​ട​ർ​ച്ച​യാ​യി​ ​ബൗ​ണ്ട​റി​ ​പ​റ​ത്തി.​ ​അ​ടു​ത്ത​ ​പ​ന്തി​ൽ​ ​സി​ക്സി​ന് ​പാ​യി​ച്ച് ​അ​ർ​ദ്ധ​ ​സെ​ഞ്ച്വ​റി​ ​ക​ട​ക്കു​ക​യും​ ​ചെ​യ്തു.​ 19​ ​റ​ൺ​സാ​ണ് ​ഈ​ ​ഓ​വ​റി​ൽ​ ​ഉ​ന​ദ്‌​ക​ദ് ​വി​ട്ടു​കൊ​ടു​ത്ത​ത്.​ ​തൊ​ട്ട​ടു​ത്ത​ ​ഓ​വ​റി​ൽ​ ​സ​ർ​ഫ്രാ​സ് ​ഖാ​ൻ​ ​ഗൗ​ത​മി​നെ​തി​രെ​ ​തു​ട​ർ​ച്ച​യാ​യി​ ​ര​ണ്ട് ​ബൗ​ണ്ട​റി​ക​ൾ​ ​പാ​യി​ച്ച​തോ​ടെ​ ​പ​ഞ്ചാ​ബ് 100​ ​റ​ൺ​സ് ​ക​ട​ന്നു.
16​-ാം​ ​ഓ​വ​റി​ലാ​ണ് ​ഗെ​യ്ൽ​ ​പു​റ​ത്താ​യ​ത്.​ ​ബെ​ൻ​സ്റ്റോ​ക്സി​ന്റെ​ ​പ​ന്തി​ൽ​ ​ത്രി​പാ​തി​ക്ക് ​ക്യാ​ച്ച് ​ന​ൽ​കി​യാ​ണ് ​ഗെ​യ്ൽ​ ​മ​ട​ങ്ങി​യ​ത്.​ ​തു​ട​ർ​ന്നി​റ​ങ്ങി​യ​ ​നി​ക്കോ​ളാ​സ് ​പു​രാ​ൻ​ 12​ ​റ​ൺ​സെ​ടു​ത്ത് ​മ​ട​ങ്ങി.

ബട്ട്‌ലർ മങ്കാഡഡ്

ബൗളർ പന്തെറി​യുംമുമ്പ് നോൺ​ സ്ട്രൈക്കേഴ്സ് എൻഡി​ലെ ക്രീസ് വി​ട്ടി​റങ്ങി​യ രാജസ്ഥാൻ ബാറ്റ്സ്മാൻ ജോസ് ബട്ട്ലറെ ഇന്നലെ പഞ്ചാബ് പുറത്താക്കി​യത് മങ്കാഡി​ംഗ് എന്ന് വി​ളി​ക്കുന്ന റൺ​ഒൗട്ട് രീതി​യി​ലൂടെ. പഞ്ചാബ് ക്യാപ്ടൻ അശ്വി​നായി​രുന്നു ബൗളർ. ​ സ്ട്രൈക്കേഴ്സ് എൻഡി​ൽ സഞ്ജുവും. അശ്വി​ൻ പന്തെറി​യും മുമ്പ് ഒാടാനി​റങ്ങി​യ ബട്ട്‌ലറെ നോൺ​ സ്ട്രൈക്കേഴ്സ് എൻഡി​ലെ സ്റ്റംപ് തെറുപ്പി​ച്ച ശേഷം അപ്പീൽ ചെയ്തു. മലയാളി​യായ കെ.എൻ അനന്ത പത്മനാഭനായി​രുന്നു ഫീൽഡ് അമ്പയർ. ടി​ വി​ അമ്പയറുമായി​ ആലോചി​ച്ചശേഷം ഒൗട്ട് വി​ളി​ച്ചു. മുൻ ഇന്ത്യൻ താരം വിനു മങ്കാഡ് ആസ്ട്രേലിയൻ താരം ബിൽ ബ്രൗണിനെ ഇൗ രീതിയിൽ രണ്ട് തവണ പുറത്താക്കിയശേഷമാണ് മങ്കാഡി​ംഗ് എന്ന പേരുവന്നത്.