ആറ്റിങ്ങൽ: ആറ്റിങ്ങൽ ലയൺസ് ക്ലബ് ഇന്റർനാഷണലിന്റെ ഹോം ഫോർ ഹോം ലസ് പദ്ധതിയുടെ ഭാഗമായി കൊല്ലമ്പുഴ തിരുവാറാട്ട് കാവ് ക്ഷേത്രത്തിന് സമീപം ഉഷയ്ക്ക് നിർമ്മിച്ചു നൽകുന്ന വീടിന്റെ താക്കോൽ ദാനം ഇന്ന് വൈകിട്ട് 5ന് നടക്കും. വീടിന്റെ താക്കോൽ ദാനവും, സമ്മേളന ഉദ്ഘാടനവും ലയൺസ് ക്ലബ്സ് ഡിസ്ട്രിക്ട് ഗവർണർ ജോൺ ജി. കൊട്ടറ നിർവഹിക്കും. കൊല്ലമ്പുഴ തിരുവാറാട്ടുകാവ് ക്ഷേത്ര മൈതാനിയിൽ നടക്കുന്ന ചടങ്ങിൽ അഡ്വ. ബി. സത്യൻ എം.എൽ.എ മുഖ്യ പ്രഭാഷണം നടത്തും. നഗരസഭാ ചെയർമാൻ എം. പ്രദീപ്,​ ഡോ. പി. രാധാകൃഷ്ണൻ നായർ, അഡ്വ. വിജയമോഹനൻനായർ, എ.ജി. രാജേന്ദ്രൻ,​ പരമേശ്വരൻ കുട്ടി,​ ഡോ. കെ.ജി.സി. നായർ,​ അനിൽകുമാർ,​ മഞ്ജു,​ അവനവഞ്ചേരി രാജു,​ പത്മനാഭൻ,​ സുമേഷ് രാഘവൻ എന്നിവർ പങ്കെടുക്കും. ആറ്റിങ്ങൽ ലയൺസ് ക്ലബ് ഈ വർഷം രണ്ട് വീടുകളാണ് നിർമ്മിച്ചു നൽകുന്നത്. അതിൽ ആദ്യ വീടിന്റെ താക്കോൽ ദാനമാണ് ഇന്ന് നടക്കുന്നതെന്നും രണ്ടാമത്തെ വീട് പണി പൂർത്തിയായി വരികയാണെന്നും പ്രസിഡന്റ് ഡോ. പി. രാധാകൃഷ്ണൻ നായർ പത്ര സമ്മേളനത്തിൽ പറഞ്ഞു.