ദുബായ്: ലുലു ഗ്രൂപ്പിന്റെ ഷാർജയിലെ എട്ടാമത്തെയും ആഗോള തലത്തിലെ 164-ാമത്തെയും ഹൈപ്പർമാർക്കറ്റ് റോള അൽ നബയിൽ പ്രവർത്തനമാരംഭിച്ചു. ഷാർജ റൂളേഴ്‌സ് കോർട്ട് മേധാവി ഷെയ്‌ഖ് സാലെം ബിൻ അബ്‌ദുൽ റഹ്മാൻ അൽ ഖാസിമി ഉദ്ഘാടനം ചെയ്‌തു. റോള മുബാറക് സെന്ററിനടുത്തതായി അൽ ശർഖ് സ്‌ട്രീറ്രിലാണ് 85,000 ചതുരശ്ര അടി വിസ്‌തീർണത്തിൽ മൂന്ന് നിലകളിലായി ഹൈപ്പർ മാർക്ക​റ്റ് ഒരുക്കിയിരിക്കുന്നത്.

യു.എ.ഇയിൽ 12 എണ്ണം ഉൾപ്പെടെ ഗൾഫ് രാജ്യങ്ങളിൽ ഒരു വർഷത്തിനകം 32 ഹൈപ്പർ മാർക്ക​റ്റുകൾ പുതുതായി തുറക്കുമെന്ന് ലുലു ഗ്രൂപ്പ് ചെയർമാൻ എം.എ. യൂസഫലി പറഞ്ഞു. ലുലു ഗ്രൂപ്പ് സി.ഇ.ഒ സൈഫി രൂപാവാല, എക്‌സിക്യൂട്ടീവ് ഡയറക്ടർ എം.എ. അഷ്‌റഫ് അലി, ഡയറക്‌ടർ എം.എ. സലിം, ലുലു ഷാർജ ഡയറക്‌ടർ നൗഷാദ് എന്നിവർ ചടങ്ങിൽ സംബന്ധിച്ചു.