കഴക്കൂട്ടം: ജോലിസ്ഥലത്തു നിന്നും യുവാവിനെ കാറിൽ തട്ടിക്കൊണ്ടുപോയി മർദ്ദിച്ച് കഴക്കൂട്ടം മേല്പാലത്തിനടിയിൽ ഉപേക്ഷിച്ച സംഭവത്തിൽ നാലുപേർ അറസ്റ്റിൽ. വട്ടിയൂർകാവ് സ്വദേശികളായ മിഥുൻ (23), വിനീത് (27), സഹോദരങ്ങളായ അഖിൽ ചന്ദ്രൻ (27), അതുൽ ചന്ദ്രൻ (20) എന്നിവരെയാണ് കഴക്കൂട്ടം പൊലീസ് അറസ്​റ്റുചെയ്‌തത്. വട്ടിയൂർക്കാവ് സ്വദേശിയായ വിഷ്‌ണുദേവിനെയാണ് (23) കഴിഞ്ഞ വെള്ളിയാഴ്ച രാത്രി 11ന് കഴക്കൂട്ടത്തെ ജോലി സ്ഥലത്തു നിന്ന് സംഘം തട്ടിക്കൊണ്ടുപോയത്. കഴക്കൂട്ടം പൊലീസ് നടത്തിയ അന്വേഷണത്തിലാണ് കാറിൽ പോവുകയായിരുന്ന സംഘത്തെ പിടികൂടിയത്. കാറും പൊലീസ് കസ്​റ്റഡിയിലെടുത്തു. കഴക്കൂട്ടം സൈബർ സി​റ്റി അസിസ്​റ്റന്റ് കമ്മിഷണർ എസ്. വിദ്യാധരന്റെ നേതൃത്വത്തിൽ ഇൻസ്‌പെക്ടർ അൻവർ, എസ്.ഐ ഷാജി എന്നിവരടുങ്ങുന്ന സംഘമാണ് പ്രതികളെ പിടികൂടിയത്. ആ​റ്റിങ്ങൽ കോടതിയിൽ ഹാജരാക്കിയ പ്രതികളെ റിമാൻഡ് ചെയ്‌തു.