അമ്പലപ്പുഴ: തോട്ടപ്പള്ളി മുതൽ വാടയ്ക്കൽ വരെയുള്ള തീരത്ത് കടൽക്ഷോഭം ശക്തമായി. നീർക്കുന്നം മീനൂട്ടുകടവിലും പുന്നപ്ര ചള്ളിയിലും പൂമീൻ പൊഴിക്കു വടക്കുഭാഗത്തും വീടുകളിലേക്ക് വെള്ളം ഇരച്ചുകയറുകയാണ്.

അമ്പലപ്പുഴ വടക്കു പഞ്ചായത്തിന്റെ തീരത്തും കടൽക്ഷോഭം ശക്തമായി. 20 ഓളം വീടുകൾ തകർച്ച ഭീഷണിയിലാണ്. പുന്നപ്ര ഫിഷ് ലാൻഡിംഗ് സെന്റർ കടലെടുക്കുമോ എന്ന ആശങ്കയിലാണ് മത്സ്യത്തൊഴിലാളികൾ. ഫിഷ് ലാൻഡിംഗ് സെന്ററിനു ഏതാനും മീറ്റർ അകലെ വരെ കടൽ ഇരച്ചുകയറി. മീനൂട്ടുകടവിൽ എട്ടു വീടുകൾ ഏതു നിമിഷവും നിലംപൊത്താവുന്ന നിലയിലാണ്. മത്സ്യബന്ധന ഉപകരണങ്ങളും, യാനങ്ങളും സ്വന്തം ചിലവിൽ ദൂരസ്ഥലത്തേക്കു മാറ്റുന്ന തിരക്കിലാണ് മത്സ്യത്തൊഴിലാളികൾ.