പറവൂർ : വലിയപല്ലംതുരുത്ത് എസ്.എൻ.ഡി.പി ശാഖായോഗം വലിയപറമ്പ് ഭഗവതി ക്ഷേത്രത്തിൽ ആറാട്ട് മഹോത്സവത്തിന് പറവൂർ രാകേഷ് തന്ത്രിയുടെ മുഖ്യകാർമ്മികത്വത്തിൽ കൊടിയേറി. ഇന്ന് വൈകിട്ട് ഏഴരയ്ക്ക് കൊച്ചിൻ ഡ്രീംബീറ്റ്സിന്റെ ഗാനമേള, മഹോത്സവ ദിനമായ നാളെ (ശനി) രാവിലെ എട്ടിന് ഗുരുവായൂർ വലിയ കേശവന് എസ്.എൻ.ഡി.പി ഗ്രൗണ്ടിൽ സ്വീകരണം, ഒമ്പതിന് കാഴ്ചശ്രീബലി, പത്തിന് നവപഞ്ചാഗവ്യകലശാഭിഷേകം, പതിനൊന്നിന് ഗജപൂജയും ആനയൂട്ടും, വൈകിട്ട് നാലരയ്ക്ക് പകൽപ്പൂരം, രാത്രി എട്ടരയ്ക്ക് കരിമരുന്ന് പ്രയോഗം, ഒമ്പതിന് തായമ്പക, പത്തിന് പള്ളിവേട്ട, ആറാട്ട് മഹോത്സവദിനമായ ഏഴിന് രാവിലെ ആറിന് പള്ളിയുണർത്തൽ, പതിനൊന്നിന് ആറാട്ടുസദ്യ, വൈകിട്ട് അഞ്ചിന് ആറാട്ടുപുറപ്പാട്, രാത്രി ഒമ്പതിന് പഞ്ചവിംശതി കലശാഭിഷേകം, പത്തിന് വലിയകുരുതി തർപ്പണം.