കൊച്ചി: ഇടതുസർക്കാർ എസ്.എൻ.സി ലാവ്‌ലിനെ പിൻവാതിലിലൂടെ വീണ്ടും കേരളത്തി​ലേക്ക് കൊണ്ടുവന്നതായി​ യുവമോർച്ച സംസ്ഥാന സെക്രട്ടറി സന്ദീപ് .ജി.വാര്യർ. കിഫ്‌ബിയിലേക്കുള്ള പണം സ്വരൂപിക്കുന്നതിനായി സർക്കാർ പുറത്തിറക്കിയ മസാലബോണ്ടി​ലെ 2150 കോടി രൂപയുടെ വിദേശനിക്ഷേപം ലാവ്‌ലിൻ കമ്പനിയുടെ യഥാർത്ഥ ഉടമകളായ സി.ഡി.പി.ക്യു എന്ന കമ്പനിയുടേതാണെന്ന് സന്ദീപ് ആരോപിച്ചു . കാനഡയിലെ തൊഴിലാളികളുടെ പെൻഷൻ വിഹിതമാണിത്. 9.72 ശതമാനമാണ് പലിശ. ദേശസാൽകൃത ബാങ്കുകളിൽ ഇതിലും കുറഞ്ഞ നിരക്കിൽ വായ്പ ലഭ്യമാണെന്നിരിക്കെ ലാവ്‌ലിന് കൊള്ളപ്പലിശ നൽകാൻ സർക്കാർ തീരുമാനിച്ചതിൽ ദുരൂഹതയുണ്ട്.

ഇടപാടിൽ 200 കോടിയുടെ അഴിമതിയുണ്ടെന്നും മുഖ്യമന്ത്രിയും ധനമന്ത്രിയും ഇക്കാര്യത്തിൽ പ്രതികരിക്കണമെന്നും സന്ദീപ് ആവശ്യപ്പെട്ടു.