മൂവാറ്റുപുഴ: കേരള സ്റ്റേറ്റ് ബാർബർ, ബ്യൂട്ടീഷൻസ് അസോസിയേഷൻ (കെ.എസ്.ബി.ബി.എ) മൂവാറ്റുപുഴ താലൂക്ക് കൺവെൻഷൻ ജില്ലാ പ്രസിഡന്റ് കെ.എൻ. അനിൽ ബിശ്വാസ് ഉദ്ഘാടനം ചെയ്തു. ജനതാ ടൂറിസ്റ്റ്ഹോമിൽ നടന്ന യോഗത്തിൽ താലൂക്ക് പ്രസിഡന്റ് കെ.കെ. രാജു അദ്ധ്യക്ഷത വഹിച്ചു. ജില്ലാ കമ്മിറ്റി അംഗം ജമാൽ റാഷി സ്വാഗതം പറഞ്ഞു. ജില്ലാ ട്രഷറർ എം.ജെ. അനു മുഖ്യപ്രഭാഷണം നടത്തി. താലൂക്ക് സെക്രട്ടറി വി.എ. ഷക്കീർ പ്രവർത്തന റിപ്പേർട്ട് അവതരിപ്പിച്ചു. നേതാക്കളായ കെ.എച്ച്. റഷീദ്, ശങ്കർ ടി. ഗണേഷ്, എം.എം. അനസ്, സി.കെ. സുർജിത് എന്നിവർ പ്രസംഗിച്ചു. 29, 30, മേയ് 1 തീയതികളിൽ ആലുവയിൽ നടക്കുന്ന സുവർണ ജൂബിലി സംസ്ഥാന സമ്മേളനം വിജയിപ്പിക്കാനും തീരുമാനിച്ചു.