മൂവാറ്റുപുഴ: നഗരത്തെ ഇളക്കിമറിച്ച് രണ്ടായിരം ഡീനുമാർ മൂവാറ്റുപുഴയിൽ റോഡ്‌ഷോ നടത്തി. ഡീൻ കുര്യാക്കോസിന്റെ തെരഞ്ഞെടുപ്പ് പര്യടനം ആവേശക്കടലാക്കി മാറ്റിയാണ് ശനിയാഴ്ച യുഡി വൈ എഫ് പ്രവർത്തകർ നഗരത്തിൽ റോഡ് ഷോ സംഘടിപ്പിച്ചത്. വൈകുന്നേരം കെ.എസ്.ആർടിസി സ്റ്റാൻഡ് പരിസരത്തുനിന്നും ആരംഭിച്ച റോഡ് ഷോയിൽപ്ലക്കാർഡുകളും ഡീനിന്റെ ചിത്രങ്ങളും കൊടിതോരണങ്ങളുമായി യുവാക്കളുടെ സംഘം അണി നിരന്നിരുന്നു.റോഡ് ഷോ കീചേരിപ്പടിയിൽ സമാപിച്ചു. തുടർന്ന് നടന്ന പൊതുസമ്മേളനം വി.ടി.ബൽറാം എം.എൽ.എ ഉദ്ഘാടനം ചെയ്തു.യൂത്ത് കോൺഗ്രസ് നിയോജക മണ്ഡലം പ്രസിഡന്റ് സമീർ കോണിക്കൽ അദ്ധ്യക്ഷത വഹിച്ചു. മുൻ എം.എ..എ ജോസഫ് വാഴയ്ക്കൻ, കെ.എം.അബ്ദുൾ മജീദ്, കെ.എം.സലിം ജോയി മാളിയേക്കൽ പി.പി.എൽദോസ് ,മുഹമ്മദ് റഫീക്ക്, സുബൈർ പോയാലി, ഹാഷിം മുഹമ്മദ്, ജോമോൻ കുന്നംപുറം, രതീഷ് ചാങ്ങാലിമറ്റം, ബിനിൽ ജോൺ, ഷാൻ മുഹമ്മദ്തുടങ്ങിയവർ പങ്കെടുത്തു