രാജാക്കാട്: രാജാക്കാട്- പന്നിയാർകൂട്ടി- വെള്ളത്തൂവൽ പി.ഡബ്ല്യു.ഡി റൂട്ടിൽ 11 വരെ ഒറ്റ വരിയായി ഗതാഗതം ക്രമീകരിച്ചു. ടാറിംഗ് ജോലികൾ നടക്കുന്നതിനാലാണ് നിയന്ത്രണം. അമ്പലക്കവല മുതൽ പൊന്മുടി തൂക്കുപാലം വഴി പന്നിയാർകുട്ടി വരെയുള്ള ആറ് കിലോമീറ്റർ അഞ്ച് കോടി രൂപ ചെലവിലും ഇതേ റൂട്ടിലെ കുളത്രക്കുഴി വളവ് മുതൽ പന്നിയാർകുട്ടി വഴി വെള്ളത്തൂവൽ വിമലസിറ്റി വരെയുള്ള 6.8 കിലോമീറ്റർ 4.5 കോടി രൂപ ചെലവിലും രണ്ട് ഭാഗങ്ങളായാണ് പുനർനിർമ്മിക്കുന്നത്. പ്രളയകാലത്ത് റോഡിലേയ്ക്ക് പതിച്ച മണ്ണും മരങ്ങളും ഉൾപ്പെടെയുള്ളവ നീക്കം ചെയ്ത് വീതി വർദ്ധിപ്പിച്ച് ബി.എം.ബി.സി ടാറിംഗാണ് നടത്തുന്നത്. ഏപ്രിൽ അവസാനത്തോടെ ജോലികൾ ഏറെക്കുറെ പൂർണമാകുമെങ്കിലും പന്നിയാർകൂട്ടി ഭാഗത്തെ പണികൾ തീരാൻ കൂടുതൽ സമയം വേണ്ടിവരും.