രാജാക്കാട്: എസ്.എൻ.ഡി.പി യോഗം വക ശ്രീ മഹാദേവ ക്ഷേത്രത്തിലെ ഉത്സവം 19 മുതൽ 24 വരെ നടക്കും. തന്ത്രി പറവൂർ രാകേഷ് തന്ത്രികൾ, മേൽശാന്തി എം. പുരുഷോത്തമൻ ശാന്തികൾ എന്നിവർ മുഖ്യകാർമ്മികത്വവും ശാന്തിമാരായ മോഹനൻ, രതീഷ്, രാഹുൽ എന്നിവരുടെ സഹ കാർമ്മികത്വവും വഹിക്കുമെന്ന് ഉത്സവ കമ്മിറ്റി ചെയർമാൻ വി.എൻ. തങ്കച്ചൻ, വൈസ് ചെയർമാൻ വി.എൻ. തുളസി, കൺവീനർ കെ.ടി. സുജിമോൻ എന്നിവർ അറിയിച്ചു. നിത്യേന രാവിലെ 5.30ന് നിർമ്മാല്യ ദർശനം, ഉഷസിന് ഗണപതിഹോമം, പഞ്ചവിശംതി, കലശാഭിഷേകം, ശ്രീഭൂതബലി. വൈകിട്ട് 5.30ന് നടതുറപ്പ്. 19ന് വൈകിട്ട് 7.30നും എട്ടിനും മദ്ധ്യേ മുഖ്യ രക്ഷാധികാരി യൂണിയൻ പ്രസിഡന്റ് എം.ബി ശ്രീകുമാർ, രക്ഷാധികാരികളായ യോഗം അസിസ്റ്റന്റ് സെക്രട്ടറി കെ.ഡി രമേശ്, യൂണിയൻ വൈസ് പ്രസിഡന്റ് ജി. അജയൻ, സെക്രട്ടറി കെ.എസ്. ലതീഷ്‌കുമാർ എന്നിവരുടെ സാന്നിദ്ധ്യത്തിൽ തന്ത്രി രാകേഷ് തന്ത്രികൾ കൊടിയേറ്റും. രാത്രി എട്ടിന് ഭരതനാട്യം, കുട്ടികളുടെ ഡാൻസ്. ഒമ്പതിന് കുമാരമംഗലം ഉണ്ണികൃഷ്ണൻ അവതരിപ്പിക്കുന്ന ഓട്ടൻതുള്ളൽ. 10ന് ഗാനമേള. 20ന് രാവിലെ എട്ടിന് പറ നിറയ്ക്കൽ. വൈകിട്ട് ദീപാരാധന. ഏഴിന് നൃത്തസന്ധ്യ. ഒമ്പതിന് തിരുവനന്തപുരം ശ്രീനന്ദയുടെ നാടകം. 21 ന് വൈകിട്ട് ഏഴിന് നൃത്തനിത്യങ്ങൾ. ഒമ്പതിന് മെഗാ ഷോ. 22ന് രാവിലെ 8.30 ന് ഉൽസവബലിയ്ക്ക് വിളക്കുവയ്പ്പ്, 12ന് ഉത്സവബലി പൂജയും ബലിദർശനവും. വൈകിട്ട് ദീപാരാധന, മുളപൂജ, ഭഗവതിസേവ. ഏഴിന് ശിവതാണ്ഡവ നൃത്തം ആദിത്യ ഉണ്ണി, അദ്വൈത ഉണ്ണി. തുടർന്ന് കോട്ടയം കമ്മ്യൂണിക്കേഷൻസിന്റെ ഗാനമേള. 23ന് വൈകിട്ട് 4.30ന് എൻ.ആർ സിറ്റി ഗുരുദേവ ക്ഷേത്രത്തിൽ നിന്ന് വാദ്യമേളങ്ങൾ, വലിയതെയ്യം, ദൈവികരൂപങ്ങൾ, അറുമുഖ കാവടി,താലപ്പൊലി എന്നിവയുടെ അകമ്പടിയോടെ മൂന്ന് ഗജവീരൻമാർ അണിനിരക്കുന്ന ഘോഷയാത്ര. പാറമേക്കാവ് മേളപ്രമാണി പെരുമനം സതീശൻ നായരും സംഘവും നടത്തുന്ന മേളപ്പതക്കം. ക്ഷേത്ര സന്നിധിയിൽ പകൽപ്പൂരം, കുടമാറ്റം എന്നിവയും നടക്കും. തുടർന്ന് ദീപാരാധന, എട്ടിന് പള്ളിവേട്ട സദ്യ, 10ന് പള്ളിവേട്ട പുറപ്പാട്. 24ന് ആറാട്ട് മഹോൽസവം. സദ്യ. വൈകിട്ട് അഞ്ചിന് തിരുആറാട്ട്, വലിയഗുരുസി തർപ്പണം.