തൊടുപുഴ: അണികളിൽ ആവേശം വാനോളം ഉയർത്തി തൊടുപുഴയിൽ യു.ഡി.എഫ് സ്ഥാനാർത്ഥി അഡ്വ. ഡീൻ കുര്യാക്കോസിന്റെ തെരഞ്ഞെടുപ്പ് കൊട്ടിക്കലാശം. തൊടുപുഴയിൽ ഉത്സവ പ്രതീതി ഉയർത്തിയാണ് യു.ഡി.എഫിന്റെ പരസ്യ പ്രചാരണ പ്രവർത്തനങ്ങൾക്ക് പരിസമാപ്തി കുറിച്ചത്. നൂറു കണക്കിന് പ്രവർത്തകർ അണി നിരന്ന റോഡ് ഷോ നടത്തിയാണ് കൊട്ടിക്കലാശത്തിന് ഒരുക്കം ആരംഭിച്ചത്. സ്ഥാനാർഥിയുടെ ചിത്രമുപയോഗിച്ചുള്ള തൊപ്പിയും ബനിയനും ധരിച്ച പ്രവർത്തകരുമായി തൊടുപുഴയ്ക്ക് സമീപം ഞറുക്കുറ്റിയിൽ നിന്നു തുടങ്ങിയ റോഡ് ഷോ വിവിധ പ്രദേശങ്ങളിലൂടെ സഞ്ചരിച്ചു. ഇടറോഡുകളിലൂടെയെല്ലാം റോഡ് ഷോ കടന്നപോയപ്പോൾ ഇരുവശങ്ങളിലും തെരഞ്ഞെടുപ്പിന്റെ ആവേശം കാണാൻ സ്ത്രീകളും കുട്ടികളും ഉൾപ്പെടെ നിരവധിപേർ നിലയുറപ്പിച്ചിരുന്നു. രാവിലെ വണ്ണപ്പുറം പഞ്ചായത്തിലെ ബ്‌ളാത്തിക്കവല, പട്ടയക്കുടി, വെള്ളക്കയം,തറുതല, പന്നിമറ്റംച്ചാൽ എന്നിവിടങ്ങളിൽ പര്യടനം നടത്തിയ ശേഷമാണ് സ്ഥാനാർത്ഥി തൊടുപുഴ നഗരത്തിലേയ്ക്ക് എത്തുന്നത്. തുടർന്നു ഞാറുക്കുറ്റിയിൽ നിന്നുമാണ് റോഡ് ഷോ ആരംഭിച്ചത്. ഇതിനശേഷമാണ് കുന്നം, കാരൂപ്പാറ, പഴുക്കാകുളം, പുതുച്ചിറ, മഠത്തിക്കണ്ടം, മുതലക്കോടം സ്റ്റേഡിയം, മുതലക്കോടം, ഉണ്ടപ്ലാവ്, കുമ്മംകല്ല്, മലേപ്പറമ്പ്, വലിയജാരം,കീരികോട്, കാരിക്കോട്, മങ്ങാട്ടുകവല, മുതലിയാർമഠം, കാഞ്ഞിരമറ്റം ലക്ഷം വീട്, കാഞ്ഞിരമറ്റം ക്ഷേത്രം, കാഞ്ഞിരമറ്റം ജംക്ഷൻ, കെ.കെ.ആർ ജംക്ഷൻ, വടക്കുംമുറി , കൈതക്കോട്, കണ്ടർമഠം, ഷാപ്പുംപടി, ഗാർഡിയോൺ കൺട്രോൾസ്, പ്ലാവിൻചുവടു എസ്.എൻ.ഡി.പി ജംക്ഷൻ, വലിയവീട്ടിൽ പള്ളി ലക്ഷംവീട്, വെങ്ങല്ലൂർ, ആനക്കൂട് ജംക്ഷൻ, ആഡംസ്റ്റാർ, ടെലിഫോൺ എക്‌സ്‌ചേഞ്ച് ജംക്ഷൻ, കാഞ്ഞിരമറ്റം ബൈപ്പാസ് കെ.എസ്.ആർ.ടി.സി, സെന്റ് മേരിസ് ജംക്ഷൻ, മാരിയിൽ കലുങ്ക്, ഒളമറ്റം, അറക്കപ്പാറ ജിയൊ ഗ്യാസ് റോഡ്, കെഎസ്ഇബി ജംക്ഷൻ, ചുങ്കം, കോലാനി ചേരി , കോലാനി, നടുക്കണ്ടം, പഞ്ചവടിപ്പാലം, പാറക്കടവ് ലക്ഷം വീട്, പാറക്കടവ്, ഒളിമ്പിയ ജംക്ഷൻ, മണക്കാട്, എടപ്പാട്ടുപീടിക,മണ്ടേക്കല്,ജെമിനി ജംക്ഷൻ, പ്രൈവറ്റ് ബസ് സ്റ്റാൻഡ് എന്നിവിടങ്ങളിൽ എത്തി പാലാ റോഡിലാണ് കൊട്ടിക്കലാശത്തിൽ പങ്കു ചേർന്നത്. യു.ഡി.എഫ് നേതാക്കളായ ഇബ്രാഹിംകുട്ടി കല്ലാർ, പ്രൊഫ. എം.ജെ ജേക്കബ്, കെ.എം.എ ഷുക്കൂർ, കെ.സരേഷ് ബാബു, എസ്.അശോകൻ, റോയ്.കെ പൗലോസ്, ജോൺ നെടിയപാല, ജോസി ജേക്കബ്, ജാഫർഖാൻ മുഹമ്മദ് തുടങ്ങിയവർ സ്ഥാനാർത്ഥിക്കൊപ്പം അലങ്കരിച്ച തുറന്ന വാഹനത്തിൽ അണിനിരന്നിരുന്നു