തൊടുപുഴ : ഇടുക്കി ജില്ലാ അക്വാറ്റിക് അസോസിയേഷന്റെ ആഭിമുഖ്യത്തിൽ വണ്ടമറ്റം അക്വാറ്റിക് സെന്ററിൽ കുട്ടികൾക്കും മുതിർന്നവർക്കുമായി നടത്തിവരുന്ന നീന്തൽ പരിശീലന ക്ലാസുകളുടെ അടുത്ത ബാച്ച് 28 ന് വൈകിട്ട് 4 മുതൽ ആരംഭിക്കും. പെൺകുട്ടികൾക്ക് മാത്രമായി പ്രത്യേക ബാച്ചുകൾ ഉണ്ടായിരിക്കും. 2 വയസ് മുതൽ 8 വയസുവരെ പ്രായമുള്ള കുട്ടികൾക്ക് കിഡ്സ് സ്വിമ്മിംഗ് പൂളിൽ പ്രത്യേകം പരിശീലനം നൽകും. കൂടുതൽ വിവരങ്ങൾക്ക് അക്വാറ്റിക് സെന്ററുമായി ബന്ധപ്പെടുക.ഫോൺ : 9447223674.

പൂർവ്വ വിദ്യാർത്ഥി സംഗമം 28ന്

മുള്ളരിങ്ങാട് : ഗവ. ഹയർ സെക്കണ്ടറി സ്‌കൂൾ 1988- 89 ബാച്ച് പൂർവ്വവിദ്യാർത്ഥികളുടെ സംഗമം 28ന് മുള്ളരിങ്ങാട് ഗവ. ഹൈസ്‌കൂളിൽ നടക്കും. രാവിലെ 9 മുതൽ വൈകുന്നേരം 5 വരെയാണ് ഇവരുടെ ഒത്തുചേരൽ. 90ഓളം പൂർവ്വവിദ്യാർത്ഥികളും കുടുംബാംഗങ്ങളും അദ്ധ്യാപകരും സമ്മേളനത്തിൽ പങ്കെടുക്കും.

മുട്ടക്കോഴി വിതരണം ഇന്ന്

തൊടുപുഴ: മങ്ങാട്ടുകവല മൃഗാശുപത്രിയിൽ നിന്നും രണ്ട് മാസം പ്രായമായ മുട്ടക്കോഴി കുഞ്ഞുങ്ങളെ 100 രൂപാ നിരക്കിൽ ഇന്ന് രാവിലെ 9 മുതൽ വിതരണം ചെയ്യുമെന്ന് ചീഫ് വെറ്ററിനറി ഓഫീസർ അറിയിച്ചു.

പരാതികൾ അറിയിക്കണം

തൊടുപുഴ : തൊടുപുഴ നഗരസഭാ 023 ​- മുനിസിപ്പൽ ഓഫീസ് വാർഡിലേക്ക് നടക്കാൻ പോകുന്ന ഉപതിരഞ്ഞെടുപ്പുമായി ബന്ധപ്പെട്ട കരട് വോട്ടർ പട്ടിക മുനിസിപ്പൽ ഓഫീസ്,​ താലൂക്ക് ഓഫീസ്,​ തൊടുപുഴ,​ കാരിക്കോട്,​ മണക്കാട്,​ കുമാരമംഗലം എന്നി വില്ലേജ് ഓഫീസുകളിലും പ്രദർശിപ്പിച്ചുള്ളതാണ്. ഓഫീസ് പ്രവർത്തി സമയങ്ങളിൽ ഇവ പരിശോധനയ്ക്ക് ലഭ്യമാകുന്നതാണ്. വോട്ടർ പട്ടികയുമായി ബന്ധപ്പെട്ട അപേക്ഷകളും ആക്ഷപങ്ങളും മേയ് 5 ന് മുമ്പായി സമർപ്പിക്കണം.

കാലിത്തീറ്റ വിതരണം

തൊടുപുഴ : നഗരസഭാ ജനകീയാസൂത്രണ പദ്ധതി പ്രകാരം നടപ്പിലാക്കിയിരിക്കുന്ന കന്നുകുട്ടികൾക്കുള്ള കാലിത്തീറ്റ വിതരണ പദ്ധതിയിൽ ഉൾപ്പെട്ടിട്ടുള്ള ഗുണഭോക്താക്കൾക്ക് ഏപ്രിൽ മാസത്തെ കാലിത്തീറ്റ 29 ന് രാവിലെ 10 മുതൽ കോലാനി തനിമ സൊസൈറ്റിയിൽ നിന്നും വിതരണം ചെയ്യും.

ഇളംദേശം കപ്പേള തിരുനാൾ

ഇളംദേശം : വെട്ടിമറ്റം സെന്റ് ഫ്രാൻസിസ് ഡി സാലസ് പള്ളിയുടെ ഇളംദേശം കപ്പേളയിൽ വി. സെബസ്ത്യാനോസിന്റെയും വി. ഗീവർഗീസിന്റെയും തിരുനാൾ 28 ന് നടക്കും. രാവിലെ 8.45 ന് കൊടിയേറ്റ്,​ കഴുന്ന് എടുക്കൽ,​ വൈകിട്ട് 5 ന് തിരുനാൾ കുർബാന,​ വിശ്വാസ പ്രഘോഷണ റാലി,​ സമാപന പ്രാർത്ഥന,​ സ്നേഹവിരുന്ന് എന്നിവ നടക്കും.