തൊടുപുഴ : തൊടുപുഴ ഡിവൈൻ മേഴ്സി ഷ്‌റൈൻ ഓഫ് ഹോളി മേരിയിൽ ദൈവകരുണയുടെ തിരുനാളിന് തുടക്കമായി . ടൗൺപള്ളി വികാരി ഫാ: ഡോ.ജിയോ തടിക്കാട്ട് കൊടിയേറ്റ് നിർവഹിച്ചു . തൃശ്ശൂർ അതിരൂപതാ സഹായമെത്രാൻ മാർ ടോണി നീലങ്കാവിൽ പൊന്തിഫിക്കൽ കുർബാന അർപ്പിച്ച് സന്ദേശം നൽകി .ഇന്ന് രാവിലെ 6നും 10നും വിശുദ്ധ കുർബാന. ഉച്ചകഴിഞ്ഞ് 3.30ന് കോതമംഗലം രൂപതാ വികാരി ജനറാൾ റവ.ഡോ. മോൺ. ചെറിയാൻ കാഞ്ഞിരക്കൊമ്പിൽ വിശുദ്ധ കുർബാന അർപ്പിച്ച് സന്ദേശം നൽകും. 28ന് രാവിലെ 6നും, 10നും വിശുദ്ധ കുർബാന, 8ന് വാഹന വെഞ്ചിരിപ്പ്, ഉച്ചകഴിഞ്ഞ് 3.45ന് പാലാ കമ്മ്യൂണിക്കേഷൻസ് ഡയറക്ടർ ഫാ. ജോയൽ പണ്ടാരപറമ്പിൽ തിരുനാൾ കുർബാന അർപ്പിക്കും. ഫാ. ജോസഫ് പത്തിപ്പറമ്പിൽ സന്ദേശം നൽകും. 5.45ന് ഭക്തിനിർഭരമായ തിരിപ്രദക്ഷിണം.