ഇടുക്കി : ഇന്ത്യൻ മഹാസമുദ്രത്തിന് മുകളിൽ ന്യൂനമർദ്ദം രൂപപ്പെട്ടതുമായി ബന്ധപ്പെട്ട് ഇടുക്കി ജില്ലയിൽ ശക്തമായ മഴയ്ക്ക് സാധ്യത പരിഗണിച്ച് 29, 30 തീയതികളിൽ മഞ്ഞ അലർട്ട് പ്രഖ്യാപിച്ചതായി ജില്ലാകലക്ടർ അറിയിച്ചു. ജില്ലാതലത്തിൽ ജില്ലാ അടിയന്തരഘട്ട കാര്യ നിർവ്വഹണ കേന്ദ്രത്തിൽ മുഴുവൻ സമയം പ്രവർത്തിക്കുന്ന കൺട്രോൾ റൂം പ്രവർത്തിക്കും ഫോൺ 04862 233111, 04862 233130, 9383463036, 9061566111 . ജില്ലയിലെ അഞ്ച് താലൂക്കുകളിലും അടിയന്തര സാഹചര്യങ്ങൾ എന്തെങ്കിലും ഉണ്ടാകുകയാണെങ്കിൽ നേരിടുന്നതിന് ഇരുപിനാല് മണിക്കൂറും പ്രവർത്തിക്കുന്ന കൺട്രോൾ റൂമുകൾ തഹസീൽദാർമാരുടെ നേതൃത്വത്തിൽ ആരംഭിച്ചിട്ടുണ്ട്. പൊതുജനങ്ങൾക്ക് ആവശ്യമെങ്കിൽ കൺട്രോൾ റൂമുകളിൽ ബന്ധപ്പെടാവുന്നതാണെന്ന് ജില്ലാകലക്ടർ അറിയിച്ചു.