തലയോലപ്പറമ്പ് : പൊതുമരാമത്ത് വകുപ്പ് കാനയും അനുബന്ധ റോഡും കയ്യേറി സ്വകാര്യ വ്യക്തി അനധികൃത നിർമ്മാണ പ്രവർത്തനം നടത്തിയതായി ആക്ഷേപം. തലയോലപ്പറമ്പ്‌ കോട്ടയം റോഡിൽ ഇന്ത്യൻ കോഫി ഹൗസിന് എതിർവശത്താണ് കയ്യേ​റ്റം.കെട്ടിടം പണിയുന്നതിന് റോഡിൽ നിന്നും നിശ്ചിത അകലം പാലിക്കണമെന്ന ചട്ടം ലംഘിച്ചാണ് നിർമ്മാണ പ്രവർത്തനം നടത്തിയിരിക്കുന്നത്. പൊതുമരാമത്ത് വകുപ്പ് വക കാന കോൺക്രീ​റ്റ് ചെയ്ത ശേഷം ടൈൽ പാകി കയ്യേറിയിരിക്കുകയാണ്. തെരഞ്ഞെടുപ്പ് പ്രവർത്തനങ്ങൾ നടക്കുന്നതിനാൽ ഉദ്യോഗസ്ഥർ ശ്രദ്ധിക്കാതിരുന്ന സമയത്താണ് കയ്യേ​റ്റം നടന്നത്. അനധികൃത കയ്യേ​റ്റം ഒഴിപ്പിക്കാൻ ബന്ധപ്പെട്ട അധികൃതർ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.

1.വി.ജി.മോഹനൻ (ഗ്രാമപഞ്ചായത്ത് പ്രസിഡന്റ്, തലയോലപ്പറമ്പ്) കയ്യേ​റ്റത്തിനെതിരെ പൊതുമരാമത്ത് വകുപ്പ് അധികൃതർക്ക് നോട്ടീസ് നൽകിയിട്ടുണ്ട്.

2.ഗിരീഷ് (എ.ഇ ,പൊതുമരാമത്ത് വകുപ്പ്, തലയോലപ്പറമ്പ് ) അനധികൃത നിർമ്മാണത്തിനെതിരെ നടപടി സ്വീകരിക്കും.