കോട്ടയം: മൂലവട്ടം കുറ്റിക്കാട്ട് ദേവീക്ഷേത്രത്തിൽ പത്താമുദയ മഹോത്സവത്തിന് ഇന്ന് വൈകിട്ട് ആറിന് ക്ഷേത്രം തന്ത്രി നിത്യാനന്ദ അഡിഗയുടെയും ഹരികുമാർ കെ. വിഷ്ണു നമ്പൂതിരിയുടെയും മുഖ്യ കാ‌ർമ്മികത്വത്തിൽ കൊടിയേറും.

ഇന്ന് രാവിലെ എട്ടിന് ആചാര്യ വരണം, 11ന് അലങ്കാര പൂജ, വൈകിട്ട് നാലിന് തോറ്റംപാട്ട്, കൺവെൻഷൻ പന്തലിൽ വൈകിട്ട് ഏഴിന് കലാപരിപാടികളുടെ ഉദ്ഘാടനം ക്ഷേത്രം തന്ത്രി നിത്യാനന്ദ അഡിഗ നിർവഹിക്കും. നാളെ രാവിലെ പതിവ് പൂജകൾ, 8.30ന് ശ്രീഭൂതബലി, 11ന് അലങ്കാരപൂജ, വൈകിട്ട് 6.30ന് വിശേഷാൽ ദീപാരാധന, ദീപക്കാഴ്ച, കൺവെൻഷൻ പന്തലിൽ രാത്രി 7.30 മുതൽ തിരുവാതിരയും ഡാൻസും, 8.30ന് പഴയ ഭക്തിഗാനങ്ങൾ കോർത്തിണക്കി ഗാനസന്ധ്യ.

24ന് രാവിലെ 8.30ന് ശ്രീഭൂത ബലി, 11ന് അലങ്കാര പൂജ. 25ന് പുലർച്ചെ നാലിന് ത്രയകുഭം നിറയ്ക്കൽ, 5.30ന് ത്രയകുംഭാഭിഷേകം, 8.30ന് ശ്രീഭൂതബലി, 11ന് അലങ്കാരപൂജ, 12.30ന് പത്താമുദയ സദ്യ, ഉച്ചകഴിഞ്ഞ് മൂന്നിന് മണിപ്പുഴ ദേവസ്വം പാട്ടമ്പലത്തിൽ കുംഭകുട നിറ, 3.30ന് കുംഭകുട ഘോഷയാത്ര, ക്ഷേത്രത്തിൽ വൈകിട്ട് 5.30ന് കുംഭകുട അഭിഷേകം,

ആറിന് ചെണ്ടുകളുടെ മത്സരയാട്ടം, 6.30ന് വിശേഷാൽ ദീപാരാധന, ദീപക്കാഴ്ച.

26ന് രാവിലെ ഏഴിന് മുട്ടിറക്കൽ, 8.30ന് ശ്രീഭൂതബലി, 11ന് അലങ്കാരപൂജ, വൈകിട്ട് 6.30ന് വിശേഷാൽ ദീപാരാധന, ദീപക്കാഴ്ച. 27ന് വിവിധ ക്ഷേത്രചടങ്ങുകൾ, 28ന് രാവിലെ പതിവ് വിശേഷാൽ പൂജകൾ, വൈകിട്ട് അഞ്ചിന് കാഴ്ചശീവേലി എഴുന്നെള്ളിപ്പ്, 5.30ന് കാഴ്ചശീവേലി ദീപക്കാഴ്ച. കൺവെൻഷൻ പന്തലിൽ രാത്രി എട്ടിന് സാംസ്കാരിക സമ്മേളനം തിരുവഞൂർ രാധാകൃഷ്ണൻ എം.എൽ.എ ഉദ്ഘാടനം ചെയ്യും. ദേവസ്വം പ്രസിഡന്റ് പി. കെ സാബു പൂന്താനം അദ്ധ്യക്ഷത വഹിക്കും. 12ന് പള്ളിവേട്ട, പള്ളിനായാട്ട് എഴുന്നെള്ളിപ്പ്.

ആറാട്ടു ദിവസമായ 29ന് രാവിലെ പത്തിന് ഭജന, 11.30ന് മഹാരംഗ പൂജ, 12.30ന് ആറാട്ട് സദ്യ, മൂന്നിന് ആറാട്ട് പുറപ്പാട്, ആറാട്ടുക്കടവിൽ നിന്നും വൈകിട്ട് ഏഴിന് ആറാട്ട് ഘോഷയാത്ര, രാത്രി 11ന് ദിവാൻകവലയിൽ ആറാട്ട് വരവേൽപ് . തുടർന്ന് ക്ഷേത്രത്തിൽ ദീപക്കാഴ്ച, 25 കലശം,ശ്രീഭൂത ബലി, കൊടിയിറക്ക്.