ബംഗളൂരു: അന്തരിച്ച മുൻ കേന്ദ്രമന്ത്രി എച്ച്.എൻ. അനന്ത്കുമാറിന്റെ ഭാര്യ തേജസ്വിനി അനന്ത്കുമാറിനെ കർണാടക ബി.ജെ.പി വൈസ് പ്രസിഡന്റായി നിയമിച്ചു. ബി.ജെ.പി സംസ്ഥാന അദ്ധ്യക്ഷൻ ബി.എസ്. യെദിയൂരപ്പ തന്റെ ട്വിറ്റർ പോസ്റ്റിൽ തേജസ്വിനിയെ ടാഗ് ചെയ്താണ് ഇക്കാര്യം അറിയിച്ചത്.
അനന്ത്കുമാർ അഞ്ചുതവണ തുടർച്ചയായി പ്രതിനിധാനം ചെയ്ത ബംഗളൂരു സൗത്ത് മണ്ഡലത്തിൽ സ്ഥാനാർത്ഥിയായി തേജസ്വിനിയുടെ പേര് ബിജെപി സംസ്ഥാന കമ്മിറ്റി നിർദേശിച്ചെങ്കിലും അവസാന നിമിഷം പ്രധാനമന്ത്രി നരേന്ദ്രമോദിയുടെ നിർദേശപ്രകാരം യുവമോർച്ച നേതാവായ തേജസ്വി സൂര്യയെ സ്ഥാനാർഥിയാക്കുകയായിരുന്നു. ഇതേത്തുടർന്ന് തേജസ്വിനിയെ അനുനയിപ്പിക്കാൻ കൂടിയാണ് പുതിയ സ്ഥാനം നൽകിയതെന്നാണ് റിപ്പോർട്ടുകൾ.