കൊല്ലം: മത്സ്യബന്ധനത്തിന് പോയ വള്ളത്തിൽ ബോട്ട് ഇടിച്ച് മത്സ്യത്തൊഴിലാളി മരിച്ചു. കൊല്ലം തങ്കശ്ശേരിയിലാണ് സംഭവം. പള്ളിത്തോട്ടം സ്വദേശി ബൈജുവാണ് മരിച്ചത്. ബുധനാഴ്ച പുലർച്ചെയാണ് അപകടം ഉണ്ടായത്. മൃതദേഹം കൊല്ലം ജില്ലാ ആശുപത്രിയിൽ സൂക്ഷിച്ചിരിക്കുകയാണ്​​. ഒപ്പമുണ്ടായിരുന്ന​ ഫെഡറിക്, ഡാനിയൽ എന്നിവർക്ക്​ പരിക്കേറ്റു. എന്നാൽ പരിക്ക്​ ഗുരുതരമല്ല.

തങ്കശ്ശേരിയിൽ നിന്ന്​ പുറപ്പെട്ട വള്ളവും നീണ്ടകരയിൽ നിന്ന്​ പുറപ്പെട്ട ബോട്ടും കൂട്ടിയിടിച്ചാണ്​ അപകടമുണ്ടായത്​. ബോട്ട്​ വള്ളത്തിലിടിച്ച്​ വള്ളം മറിയുകയും അതിലുണ്ടായിരുന്ന മൂന്ന്​ പേർ കടലിലേക്ക്​ വീഴുകയുമായിരുന്നു. പുലർച്ചെ വെളിച്ചക്കുറവായതിനാൽ​ വള്ളം ശ്രദ്ധയിൽ പെടാത്തതാണ്​ അപകടത്തിനിടയാക്കിയതെന്നാണ്​ ബോട്ടിലുള്ളവർ പറയുന്നത്​. ബോട്ട്​ പൊലീസ്​ കസ്​റ്റഡിയിലെടുത്തു​. ബോട്ടിലുള്ളവരെ ​ചോദ്യം ചെയ്​ത്​ വരികയാണ്​.