കോഴിക്കോട്: വ​യ​നാ​ട് ലോക്സഭാ മണ്ഡലത്തിൽ നാ​മ​നി​ർ​ദേ​ശപ​ത്രി​ക സമർപ്പിക്കാനായി കോ​ൺ​ഗ്ര​സ് അദ്ധ്യക്ഷ​ൻ രാഹുൽ ഗാന്ധിയും എ.ഐ.സി.സി ജനറൽ സെക്രട്ടറി പ്രിയങ്ക ഗാന്ധിയും കരിപ്പൂരിലെത്തി. അ​സ​മി​ൽ നി​ന്ന്​ കരിപ്പൂർ വിമാനത്താവളത്തിൽ എത്തിയ ഇരുവരും റോഡ് മാർഗം കോഴിക്കോട്ടേക്ക് തിരിച്ചു.

പ്രിയങ്ക ഗാന്ധിയാണ് കരിപ്പൂർ വിമാനത്താവളത്തിൽ ആദ്യം എത്തിയത്. തുടർന്ന് എയർപോർട്ട് ലോഞ്ചിൽ സഹോദരനും കോൺഗ്രസ് അദ്ധ്യക്ഷനുമായ രാഹുൽ ഗാന്ധിക്ക് വേണ്ടി കാത്തിരുന്നു. ഒമ്പതരയോടെ എത്തിയ രാഹുൽ ഗാന്ധിയുമായി ഇരുവരും റോഡ് മാർഗംഗം കോഴിക്കോട് ഗസ്റ്റ് ഹൗസിലേക്ക് പോയി. പ്രതിപക്ഷനേതാവ് രമേശ് ചെന്നിത്തല,​.കെ.പി.സി.സി അദ്ധ്യക്ഷൻ മുല്ലപ്പള്ളി രാമചന്ദ്രൻ,​ ഉമ്മൻചാണ്ടി. പി.കെ.കുഞ്ഞാലിക്കുട്ടി,​ ഇ.ടി. മുഹമ്മദ് ബഷീർ തുടങ്ങിയ പ്രമുഖ നേതാക്കൾ രാഹുൽ ഗാന്ധിയെ സ്വീകരിക്കാൻ വിമാനത്താവളത്തിൽ എത്തിയിരുന്നു. രാഹുലിനേയും പ്രിയങ്കയേയും സ്വീകരിക്കാൻ നൂറുകണക്കിന് ആളുകളാണ് വിമാനത്താവളത്തിന് മുൻപിൽ എത്തിയത്.

രാ​ത്രി കോ​ഴി​ക്കോ​ട് ത​ങ്ങി​യ ​ശേ​ഷം രാ​ഹു​ലും സം​ഘ​വും ഹെ​ലി​കോ​പ്ട​ർ മാ​ർ​ഗം വ്യാ​ഴാ​ഴ്​​ച രാ​വി​ലെ വ​യ​നാ​ട്ടി​ലേ​ക്ക് തി​രി​ക്കും. രാ​വി​ലെ പ​ത്തോ​ടെ ക​ൽ​പ​റ്റ എ​സ്.​കെ.​എം.​ജെ സ്കൂ​ൾ ഗ്രൗ​ണ്ടി​ൽ ഇ​റ​ങ്ങും. ഇ​വി​ടു​ന്ന് 400 മീ​റ്റ​ർ മാ​ത്ര​മാ​ണ് പ​ത്രി​ക കൊ​ടു​ക്കു​ന്ന വ​യ​നാ​ട് ക​ല​ക്ട​റേ​റ്റി​ലേ​ക്കു​ള്ള ദൂ​രം. ക​ൽ​പ​റ്റ ടൗ​ണി​ൽ റോ​ഡ് ഷോ ​ന​ട​ത്തി​യാ​ണ് രാ​ഹു​ൽ പ​ത്രി​ക ന​ൽ​കാ​നെ​ത്തു​ക എ​ന്നാ​ണ് സൂ​ച​ന. സ​ന്ദ​ർ​ശ​ന ഭാ​ഗ​മാ​യി ക​ന​ത്ത സു​ര​ക്ഷ​യാ​ണ് ക​ൽ​പ​റ്റ​യി​ലും പ​രി​സ​ര​ങ്ങ​ളി​ലും ഒ​രു​ക്കി​യി​രി​ക്കു​ന്ന​ത്. എ​സ്.​പി.​ജി നേ​രി​ട്ടാ​ണ് സു​ര​ക്ഷ​യും മ​റ്റും കാ​ര്യ​ങ്ങ​ളും നി​യ​ന്ത്രി​ക്കു​ന്ന​ത്.

എ​സ്.പി​.ജി എ​.ഐ.​ജി ഗു​ർ​മീ​ത് ഡോ‍‍റ്ജെ​യു​ടെ നേ​തൃ​ത്വ​ത്തി​ലു​ള്ള നൂ​റോ​ളം പേ​ര​ട​ങ്ങു​ന്ന സം​ഘം ഇ​തി​നാ​യി വ​യ​നാ​ട്ടി​ലെ​ത്തി​യി​ട്ടു​ണ്ട്. കൂ​ടാ​തെ, പൊ​ലീ​സിന്റെ വ​ൻ​പ​ട​യും സു​ര​ക്ഷ​യൊ​രു​ക്കും. സം​ഘ​ട​ന ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലാ​ണ് രാ​ഹു​ലിന്‍റെ പ​രി​പാ​ടി​ക​ൾ​ക്ക് ചു​ക്കാ​ൻ പി​ടി​ക്കു​ന്ന​ത്. പ​ത്രി​ക സ​മ​ർ​പ്പ​ണ​ത്തി​ന് എ.​കെ. ആ​ൻ​റ​ണി ഉ​ൾ​പ്പെ​ടെ​യു​ള്ള മു​തി​ർ​ന്ന നേ​താ​ക്ക​ൾ രാ​ഹു​ലി​നെ അ​നു​ഗ​മി​ക്കും.

രാ​ഹു​ൽ ഗാ​ന്ധി​യോ​ടൊ​പ്പം നാ​ലു പേ​ർ​ക്ക് മാ​ത്ര​മേ ക​ള​ക്ട​റു​ടെ ചേം​ബ​റി​ലേ​ക്ക് ക​യ​റാ​ൻ അ​നു​മ​തി​യു​ള്ളൂ. മാദ്ധ്യ​മ​പ്ര​വ​ർ​ത്ത​ക​ർ​ക്കും ക​ടു​ത്ത നി​യ​ന്ത്ര​ണ​മു​ണ്ട്. പ​ര​മാ​വ​ധി 10 മി​നി​റ്റി​ന​കം ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​നാ​ണ് നി​ർ​ദേ​ശം. സു​ര​ക്ഷാ ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യി വ്യാ​ഴാ​ഴ്ച ക​ല​ക്ട​റേ​റ്റ് കോ​മ്പൗ​ണ്ടി​ന​ക​ത്ത് ജീ​വ​ന​ക്കാ​രു​ടേ​ത് ഉ​ള്‍പ്പെ​ടെ​യു​ള്ള സ്വ​കാ​ര്യ വാ​ഹ​ന​ങ്ങ​ൾക്ക് പ്ര​വേ​ശ​നം ഉ​ണ്ടാ​യി​രി​ക്കി​ല്ല.

നോ​മി​നേ​ഷ​ൻ കൊ​ടു​ത്ത​തി​നു​ ശേ​ഷം രാ​ഹു​ൽ സ​മീ​പ​ത്തെ ഏ​തെ​ങ്കി​ലും ഓ​ഡി​റ്റോ​റി​യ​ത്തി​ൽ മ​ണ്ഡ​ല​ത്തി​ലെ പ്ര​ധാ​ന​പ്പെ​ട്ട നേ​താ​ക്ക​ളു​മാ​യി ആ​ശ​യ​വി​നി​മ​യം ന​ട​ത്തും.