ന്യൂഡൽഹി: ലോക്‌സഭാ തിരഞ്ഞെടുപ്പിൽ കോൺഗ്രസ് അദ്ധ്യക്ഷൻ രാഹുൽ ഗാന്ധി വയനാട്ടിൽ മത്സരിക്കുന്നത് ദേശീയ,​ അന്തർദേശീയ മാദ്ധ്യമങ്ങളിൽ വരെ ചർച്ചയായിരുന്നു. ഇപ്പോഴിതാ രാഹുൽ രണ്ടുമത്സരങ്ങളിൽ മത്സരിക്കുന്നതിനെ ട്രോളി അമുലും രംഗത്തെത്തി. രാഹുൽ ഗാന്ധിക്കെതിരെ അമുൽ ബേബി പരാമർശവുമായി വി.എസ്. അച്യുതാനന്ദൻ രംഗത്ത് വന്നതിന് പിന്നാലെയാണ് അമുലിന്റെ പരസ്യമെന്നതും ശ്രദ്ധേയമാണ്.

അമുലിന്റെ ഔദ്യോഗിക ഫേസ്ബുക്ക് പേജിന് പുറമേ ട്വിറ്ററിലും ചിത്രം പങ്കുവെച്ചിട്ടുണ്ട്. പങ്കുവച്ച് മണിക്കൂറുകൾക്കകം ചിത്രം വൈറലായി.

കോൺഗ്രസ് പ്രസിഡന്റ് രണ്ട് സീറ്റുകളിൽ മത്സരിക്കുന്നുവെന്ന അടിക്കുറിപ്പിനൊപ്പം രാഹുൽ ഗാന്ധിയുടെ കാരിക്കേച്ചറും 'വയനാട് ഹാവ് ഇറ്റ് വിത്ത് ബട്ടർ'(ഇത് വെണ്ണ ചേര്‍ത്ത് കഴിക്കാമോ)എന്നെഴുതിയ ചിത്രവുമാണ് അമുലിന്റെ പരസ്യത്തെ രസകരമാക്കുന്നത്. 'അമുൽ - അമേഠി കാ പറാത്ത' (അമേഠിയുടെ പറാത്ത) എന്നും ചിത്രത്തിൽ വിശേഷിപ്പിച്ചിട്ടുണ്ട്.

#Amul Topical : Congress President to contest from two seats in Lok Sabha 2019! pic.twitter.com/Qd3TpNLP7J

— Amul.coop (@Amul_Coop) April 2, 2019