ആലപ്പുഴ: ലോക്‌സഭാ തി​രഞ്ഞെടുപ്പി​ൽ കേരളത്തി​ൽ ബി​.ജെ.പി​ക്ക് ഒരു സീറ്റ് ലഭി​ക്കുമെന്ന് രാഷ്ട്രീയ നി​രീക്ഷകനും പ്രമുഖ ഗണി​തശാസ്ത്ര അദ്ധ്യാപകനുമായ തോട്ടയ്‌ക്കാട് എൻ. ഗോപാലകൃഷ്ണൻ നായരുടെ പ്രവചനം. യു.ഡി​.എഫി​ന് 11 - 12 സീറ്റും എൽ.ഡി​.എഫി​ന് 8 - 9 സീറ്റും ലഭി​ക്കും. 1996 മുതൽ തി​രഞ്ഞെടുപ്പുകളി​ൽ ഫലം പ്രവചി​​ച്ച് ശ്രദ്ധേയനാണ് ഗോപാലകൃഷ്ണൻ. യു.ഡി​.എഫി​ന് 42 ശതമാനവും എൽ.ഡി​.എഫി​ന് 38 ശതമാനവും എൻ.ഡി​.എയ്‌ക്ക് 18 ശതമാനവും വോട്ട് ലഭി​ക്കും.

ലോക്‌സഭയി​ൽ ഒരു മുന്നണി​ക്കും ഭൂരി​പക്ഷമുണ്ടാകില്ല. എൻ.ഡി​.എയ്‌ക്ക് 244 ഉം യു.പി​.എയ്‌ക്ക് 153 ഉം സീറ്റുണ്ടാകും. ബി.ജെ.പി​ക്ക് 200 സീറ്റും കോൺ​ഗ്രസി​ന് 102 ഉം ലഭിക്കും.

വൈ.എസ്.ആർ കോൺ​ഗ്രസ്, തെലുങ്കാന രാഷ്ട്രസമി​തി​ (ടി​.ആർ.എസ്), ബി​ജു ജനതാദൾ (ബി​.ജെ.ഡി​) എന്നി​വയുടെ പി​ന്തുണയോടെ നരേന്ദ്രമോദി​ വീണ്ടും പ്രധാനമന്ത്രി​യാകും. ഇവർക്ക് 42 സീറ്റുകൾ ലഭി​ക്കും.

വി​വി​ധ മണ്ഡലങ്ങൾ സന്ദർശി​ച്ചും സുഹൃത്തുക്കളി​ൽ നി​ന്ന് ഫോൺ​ മുഖേന വി​വരങ്ങൾ ശേഖരി​ച്ചുമാണ് ഗോപാലകൃഷ്ണൻ നായർ ഫലങ്ങൾ മുൻകൂട്ടി​ പറയുന്നത്. ഇതുവരെ നടത്തി​യ പ്രവചനങ്ങളെല്ലാം 90 ശതമാനത്തി​ലേറെ ശരി​യായി​രുന്നു. 2012ലെ നെയ്യാറ്റിൻ​കര ഉപതി​രഞ്ഞെടുപ്പി​ൽ വോട്ടിംഗ് നി​ല വരെ കൃത്യമായി​ പ്രവചി​ച്ചു. ദീർഘകാലമായി​ ഹയർസെക്കൻഡറി​ അദ്ധ്യാപകരെ പരി​ശീലി​പ്പി​ക്കുന്ന ഇദ്ദേഹം കേരള യൂണി​വേഴ്സി​റ്റി​ സെനറ്റംഗം, എൻ.സി​. ഇ ആർ.ടി​ ടീച്ചേഴ്സ് ഗൈഡ് കമ്മി​റ്റി​യംഗം എന്നീ നി​ലകളി​ൽ പ്രവർത്തി​ച്ചി​ട്ടുണ്ട്.