ന്യൂഡൽഹി: ആദ്യം രാജ്യം, പാർച്ചി പിന്നീട്, അവസാനം വ്യക്തി എന്നത് ബി.ജെ.പിയെ നയിക്കുന്ന മന്ത്രമാണെന്ന് പ്രധാനമന്ത്രി നരേന്ദ്രമോദി. ബി.ജെ.പിയുടെ സാരാംശമാണ് മുതിർന്ന നേതാവ് എൽ കെ അദ്വാനി അദ്ദേഹത്തിന്റെ ബ്ലോഗിൽ കുറിച്ചതെന്നും മോദി ട്വീറ്റ് ചെയ്തു. ഒരു ബി.ജെ.പി പ്രവർത്തകൻ ആയിരിക്കുന്നതിൽ തനിക്ക് അഭിമാനമുണ്ടെന്നും എൽ കെ അദ്വാനിയെപ്പോലെയുള്ള മഹാൻമാരാണ് ബി.ജെ.പി എന്ന പാർട്ടിയെ ശക്തമാക്കിയതെന്നും ട്വീറ്റിൽ പറയുന്നു. ബി.ജെ.പി നേതൃത്വത്തിനെതിരെ അദ്വാനി പരോക്ഷമായി ഉയർത്തിയ വിമർശനങ്ങളിൽ മോദി പ്രതികരിച്ചിട്ടില്ല. .
ബി.ജെ.പിയോട് രാഷ്ട്രീയമായി വിയോജിക്കുന്നവർ ശത്രുക്കളല്ലെന്നും ദേശവിരുദ്ധരല്ലെന്നും വിയോജിക്കാനുള്ള സ്വാതന്ത്ര്യവും വ്യത്യസ്തതയ്ക്കുള്ള സാദ്ധ്യതയുമാണ് ഇന്ത്യൻ ജനാധിപത്യത്തിന്റെ കാതലെന്നും എൽ.കെ.അദ്വാനി തന്റെ ബ്ലോഗിൽ എഴുതിയിരുന്നു. പാർട്ടിക്കുള്ളിൽ ആഭ്യന്തര ജനാധിപത്യം വേണമെന്നും അദ്ദേഹം ആവശ്യപ്പെടുന്നു.
Advani Ji perfectly sums up the true essence of BJP, most notably the guiding Mantra of ‘Nation First, Party Next, Self Last.’
— Chowkidar Narendra Modi (@narendramodi) April 4, 2019
Proud to be a BJP Karyakarta and proud that greats like LK Advani Ji have strengthened it. https://t.co/xScWuuDuMq