ന്യൂഡൽഹി: ലോക്‌സഭാ തിരഞ്ഞെടുപ്പിൽ ബി.ജെ.പി,യുടെ നേതൃത്വത്തിലുള്ള എൻ.ഡി.എയ്ക്ക് വോട്ടുചെയ്യരുതെന്ന് നാടകപ്രവർത്തകരുടെ കൂട്ടായ്മ. അറുനൂറിലധികം നാടക പ്രവർത്തകരുടെ കൂട്ടായ്മയാണ് പ്രസ്താവനയുമായി രംഗത്തെത്തിയത്.

നസറുദ്ദിൻ ഷാ,​ രത്നാ പഥക് ഷാ, അനുരാഗ് കശ്യപ്, കങ്കണാ സെൻ ശർമ്മ, മാനവ് കൗൾ എന്നിവരാണ് പ്രസ്താവനയിൽ ഒപ്പുവെച്ചവരിൽ പ്രമുഖർ നേരത്തെ 103 സിനിമാ പ്രവ‍ർത്തകർ ബി.ജെ.പിക്ക് വോട്ട് ചെയ്യരുതെന്ന പ്രസ്താവന പുറത്തിറക്കിയിരുന്നു. ഇതിനെ തുടർന്ന് മറ്റു കലാകാരന്മാരും ഈ കൂട്ടായ്മയുടെ ഭാഗമാകുകയായിരുന്നു.

സ്നേഹം, സഹാനുഭൂതി, സമത്വം, തുല്യത എന്നിവയ്ക്കായി വോട്ട് ചെയ്യണമെന്നും വെറുപ്പിന്റെയും വിദ്വേഷത്തിന്റേയും രാഷ്ട്രീയം അവസാനിപ്പിക്കണമെന്നും നാടക പ്രവർത്തകരുടെ കൂട്ടായ്മ പ്രസ്താവനയിൽ ആഹ്വാനം ചെയ്തു.