ന്യൂഡൽഹി: രാഷ്ട്രീയ പ്രചാരണവുമായി ബന്ധപ്പെട്ട നയങ്ങൾ ലംഘിച്ചെന്ന് കാണിച്ച് ഗൂഗിൾ ബി.ജെ.പിയുടെ 98 പരസ്യങ്ങൾ നീക്കം ചെയ്തു. വൈ.എസ്.ആർ കോൺഗ്രസിന്റെ അഞ്ചെണ്ണവും നീക്കം ചെയ്തവയിൽ ഉൾപ്പെടും. എത്തിനോസ് ഡിജിറ്റൽ മാർക്കറ്റിംഗ്, ജസ്‌കരൺ ധില്ലൻ, ഹർഷ്‌നാഥ് ഹ്യുമൻ സർവീസസ്, വിദൂലി മീഡിയ എന്നീ ഏജൻസികൾ നൽകിയ പരസ്യങ്ങൾ മുഴുവനും ഗൂഗിൾ നീക്കം ചെയ്തു. തിരഞ്ഞെടുപ്പിന് മുന്നോടിയായി വ്യാജ പ്രചാരണങ്ങൾ നടത്തുന്നത് തടയുന്നതിനുള്ള നടപടികളെടുക്കാൻ സോഷ്യൽമീഡിയ കമ്പനികൾക്ക് സർക്കാർ കർശന നിർദ്ദേശം നൽകിയിരുന്നു.