ന്യൂ​ഡ​ൽ​ഹി: നോ​ട്ടു​നി​രോ​ധ​നം ത​നി​ക്കെ​തി​രെ തി​ര​ഞ്ഞെ​ടു​പ്പ് വി​ഷ​യ​മാ​ക്കി​യാൽ പ്രതിപക്ഷം പരാജയപ്പെടുമെന്ന് പ്രധാനമന്ത്രി നരേന്ദ്രമോദി. നോ​ട്ട് നി​രോ​ധ​ന​ത്തി​ന്റെ ഫ​ല​ത്തി​ൽ താൻ തൃപ്തനാണെന്നും ദേശീയ താത്പര്യം മുൻനിറുത്തിയാണ് നോട്ടുനിരോധനം പ്രഖ്യാപിച്ചതെന്നും മോദി പറഞ്ഞു. ആ​ർക്കും തൊ​ടാ​ൻ ക​ഴി​യാ​ത്ത ഒ​രു പു​ഴു​ക്കു​ത്താ​യി​രു​ന്നു ക​ള്ള​പ്പ​ണം. രാ​ഷ്ട്രീ​യ സ​മ​വാ​ക്യ​ങ്ങ​ൾ​ക്ക് നോ​ട്ട് നി​രോ​ധ​നം ചേ​രി​ല്ല. എ​ന്നാ​ൽ ദേ​ശ​താ​ത്പ​ര്യം മു​ൻനിറുത്തി താ​ൻ ആ ​തീ​രു​മാ​ന​ത്തി​നു മു​തി​രു​ക​യാ​യി​രു​ന്നു. നാ​ല​ര വ​ർഷത്തിനിടെ ക​ള്ള​പ്പ​ണ​ത്തി​നെ​തി​രേ കൈ​ക്കൊ​ണ്ട ന​ട​പ​ടി​ക​ളി​ലൂ​ടെ 1.3 ല​ക്ഷം കോ​ടി രൂ​പ​യാ​ണു പി​ടി​ച്ചെ​ടു​ക്കാ​ൻ ക​ഴി​ഞ്ഞ​ത്. നി​കു​തി അ​ട​യ്ക്കു​ന്ന​വ​രു​ടെ എ​ണ്ണം ഇ​ര​ട്ടി​യാ​ക്കാ​നും ക​ഴി​ഞ്ഞെ​ന്ന് മോ​ദി അ​വ​കാ​ശ​പ്പെ​ട്ടു.

നോ​ട്ട് നി​രോ​ധ​നം തൊ​ഴി​ലി​ല്ലാ​യ്മ വ​ർദ്ധിപ്പി​ച്ചെ​ന്നാ​ണ് പ്ര​തി​പ​ക്ഷം പ​റ​യു​ന്ന​ത്. ഇ​ത് ക​ണ​ക്കു​ക​ളി​ലെ പി​ഴ​വാ​ണ്. ക​ഴി​ഞ്ഞ അ​ഞ്ചു വ​ർഷത്തിനിടെ ​ റോ​ഡ് നിർമ്മാണം ഇ​ര​ട്ടി​യാ​യി. റെ​യി​ൽവേ ജോ​ലി​ക​ൾ ഇ​ര​ട്ടി​യാ​യി. ഇ​ന്ന് ഇ​ന്ത്യ​ക്ക് ഏ​റ്റ​വും കൂ​ടു​ത​ൽ വി​ദേ​ശ നി​ക്ഷേ​പം ല​ഭി​ക്കു​ന്നു. ഇ​ന്ത്യ ഇ​ന്ന് ലോ​ക​ത്തി​ന്റെ ഏ​റ്റ​വും വ​ലി​യ സ്റ്റാ​ർട്ടപ്പ് ഹ​ബ്ബാ​ണ്. തൊ​ഴി​ലി​ല്ലാ​തെ ഇ​ത് സാദ്ധ്യമ​ല്ല. പ​ശ്ചി​മ ബം​ഗാ​ൾ, കർ​ണാ​ട​ക, ഒ​ഡീ​ഷ സം​സ്ഥാ​ന​ങ്ങ​ൾ തൊ​ഴി​ൽ വർദ്ധിപ്പിച്ചെന്ന് അ​വ​കാ​ശ​പ്പെ​ടു​ന്നു. എ​ന്നാ​ൽ കേ​ന്ദ്ര​ത്തി​ന് ഇ​തു സാ​ധി​ക്കി​ല്ലെ​ന്നും അ​വർപ​റ​യു​ന്നു- മോ​ദി കു​റ്റ​പ്പെ​ടു​ത്തി.