ന്യൂഡൽഹി: ലോക്‌സഭ തിരഞ്ഞെടുപ്പിൽ ശബരിമല വിഷയം സ്വാധീനിക്കുമെന്ന് സി.പി.എം ജനറൽ സെക്രട്ടറി സീതാറാം യെച്ചൂരി. എന്നാൽ തിരഞ്ഞെടുപ്പ് പ്രധാനമായും കേന്ദ്ര സർക്കാരിന്റെ ഹിതപരിശോധനയാണെന്നും യെച്ചൂരി വ്യക്തമാക്കി. സംസ്ഥാന സർക്കാർ ചെയ്ത പ്രവർത്തനങ്ങളും തിരഞ്ഞെടുത്തിൽ ചർച്ചയാകുമെന്ന് അദ്ദേഹം ഡൽഹിയിൽ പറഞ്ഞു.

എല്ലാ രാഷ്ട്രീയ പാർട്ടികൾക്കും അവരവരുടേതായ രാഷ്ട്രീയ താല്‍പര്യങ്ങളാണുള്ളത്. അതുകൊണ്ട് തന്നെ രാഹുൽ ഗാന്ധിയും കോൺഗ്രസും ചതിച്ചെന്ന് പറയാനാകില്ല. കോൺഗ്രസിന്റെ താൽപര്യം ഇടതുപക്ഷത്തെ പരാജയപ്പെടുത്തലാണോ അതോ ബി.ജെ.പിയെ പരാജയപ്പെടുത്തലാണോ എന്ന് വ്യക്തമാക്കണമെന്നും യെച്ചൂരി പറഞ്ഞു.

ഏതായാലും കേന്ദ്രത്തിൽ ബി.ജ.പിക്കെതിരെ ഒരു ബദൽ സർക്കാർ വരും എന്നാൽ അതിന് നേതൃത്വം നൽകുക കോൺഗ്രസ് തന്നെ ആകണമെന്നില്ലെന്നും യെച്ചുരി കൂട്ടിച്ചേർത്തു.