തൃശൂർ മണ്ഡലത്തിൽ നിന്നും ജനവിധി തേടുന്ന സുരേഷ് ഗോപിയെ വിമർശിച്ച് കൊണ്ട് സംവിധായകൻ സുദേവൻ രംഗത്ത്. ഫേസ്ബുക്ക് പോസ്റ്റിലൂടെയാണ് സംവിധായകൻ തന്റെ അഭിപ്രായം പങ്കുവയ്ക്കുന്നത്. നടൻ സുരേഷ് ഗോപി വായിച്ചറിയാൻ എന്ന് തുടങ്ങുന്ന കുറിപ്പിൽ താൻ കോളേജിൽ പഠിക്കുന്ന സമയത്ത് കണ്ടിരുന്ന സുരേഷ് ഗോപിയുടെ ചിത്രങ്ങൾ തന്നെ ഹരം പിടിപ്പിച്ചിട്ടുണ്ടെന്ന് അദ്ദേഹം കുറിക്കുന്നു. അഴിമതി നടത്തുന്ന രാഷ്ട്രീയക്കാർക്കെതിരെയും അവർക്ക് കൂട്ട് നിൽക്കുന്ന പൊലീസ്,മന്ത്രിമാർക്കെതിരെ കൈ ചൂണ്ടുന്ന സുരേഷ് ഗോപിയുടെ നായക കഥാപാത്രങ്ങളൊക്കെ ആ പ്രായത്തിൽ ആസ്വദിച്ച് കണ്ടിരുന്നു. എന്നാൽ ഇപ്പോൾ ആ സിനിമയിലെ നായകനും സിനിമയ്ക്ക് പുറത്ത് നിൽക്കുന്ന താങ്കളും എവിടെ നിൽക്കുന്നുവെന്ന് തിരിച്ചറിയണമെന്നും അതിനായി സമയം കിട്ടുമ്പോൾ സുരേഷ് ഗോപി ആ ചിത്രങ്ങൾ കണ്ട് നോക്കണമെന്നും സുദേവൻ അഭിപ്രായപ്പെടുന്നു. ഇപ്പോൾ കാണുന്നതൊക്കെ ഒരു കോമഡി പടമായി കണ്ട് ആസ്വദിക്കുന്നുവെന്നും സംവിധായകൻ സുദേവൻ എഴുതുന്നു.

ഫേസ്ബുക്ക് പോസ്റ്റിന്റെ പൂർണരൂപം

നടൻ സുരേഷ് ഗോപി വായിച്ചറിയുവാൻ.
ഞാൻ കോളേജിൽ പഠിക്കുന്ന കാലത്താണ്.. താങ്കളുടെ..... തലസ്ഥാനം. ഏകലവ്യൻ... മാഫിയ... കമ്മീഷണർ തുടങ്ങിയ സിനിമകൾ ഇറങ്ങുന്നത്... ആ ഒരു പ്രായത്തിൽ... ആ സിനിമകൾ.. എന്നെ ഹരം കൊള്ളിച്ചിട്ടുണ്ട്... അഴിമതി നടത്തുന്ന രാഷ്ട്രീയക്കാർക്ക് എതിരെയും... അതിനു കൂട്ടുനിൽക്കുന്ന പോലീസുകാർക്കെതിരെയും... മന്ത്രിമാർക്കു എതിരെയും... കൈ ചൂണ്ടുന്ന നായകനെ ഞങ്ങൾ കയ്യടിച്ചിട്ടുണ്ട്.... കള്ളസ്വാമിയെ... വിരട്ടുന്ന.. ഡയലോഗ്.. ഒക്കെ.....
ഈ ഗണത്തിൽ ഉള്ള സിനിമകൾ ഒക്കെ ഗംഭീരമാണെന്നല്ല ആ പ്രായത്തിൽ.. അത് ഞങ്ങൾ ആസ്വദിച്ചിരുന്നു എന്നാണു ... പറഞ്ഞു വരുന്നത് വേറെ ഒന്നുമല്ല.... സമയമുള്ളപ്പോ... താങ്കൾ അഭിനയിച്ച... സിനിമകൾ... ഒന്ന് കണ്ടു നോക്കുന്നത് നല്ലതാണ്.... സിനിമയിലെ നായകനും സിനിമയ്ക്കു പുറത്തെ ആളും എവിടെ
നിൽക്കുന്നു എന്ന് ചിലപ്പോ മനസിലായേക്കും (ഉറപ്പൊന്നുമില്ല) വെള്ളിത്തിരയിൽ കണ്ട നായകന് ഞങ്ങൾ കയ്യടിച്ചിട്ടുണ്ട്.... ആ പ്രായത്തിൽ... ഇപ്പോൾ കാണുന്നതൊക്കെ... താങ്കളുടെ കോമഡി പടമായി ആസ്വദിക്കുന്നു