അശ്വതി: കർമ്മ സംബന്ധമായി ദൂര യാത്രകൾ ആവശ്യമായി വരും. സഹോദരഗുണം ഉണ്ടാകും. മനസിനിണങ്ങിയ ജീവിതപങ്കാളിയെ ലഭിക്കും. എല്ലാ കാര്യത്തിലും ഉത്സാഹവും സാമർത്ഥ്യവും ഉണ്ടാകും. ബുധനാഴ്ച ദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരം.ബുധനാഴ്ച ദിവസം ഉത്തമം.

ഭരണി: സഹോദരസ്ഥാനീയരിൽ നിന്നും സഹായം ലഭിക്കും. അംഗീകാരവും പ്രശസ്തിയുമുണ്ടാകും.മാതൃഗുണം പ്രതീക്ഷിക്കാം.ശനിയാഴ്ച ദിവസം ശിവക്ഷേത്ര ദർശനം, ഭഗവതി ക്ഷേത്ര ദർശനം, ചുവപ്പ് പട്ട് സമർപ്പിക്കുന്നത് ഉത്തമം. ചൊവ്വാഴ്ച ദിവസം അനുകൂലം.

കാർത്തിക: കലാപരമായി ബന്ധപ്പെട്ട് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. ഈശ്വരാധീനം ഉള്ളതിനാൽ എല്ലാ ആപത്തുകളിൽ നിന്നും രക്ഷപ്പെടും. ആരോഗ്യപരമായ ബുദ്ധിമുട്ടുകളും അഭിപ്രായ വ്യത്യാസങ്ങളും അനുഭവപ്പെടും. ശിവന് ശംഖാഭിഷേകം നടത്തുക. ഞായറാഴ്ച ദിവസം അനുകൂലം.

രോഹിണി: ആഘോഷവേളകളിൽ പങ്കെടുക്കും. മാനസിക വിഷമതകൾ മാറി കിട്ടും. ബഹുജനപ്രീതി ഉണ്ടാകും. സാമ്പത്തികനേട്ടം പ്രതീക്ഷിക്കാം. ശനിയാഴ്ച ദിവസം ശാസ്താക്ഷേത്ര ദർശനം, ശിവന് ജലധാര, പഞ്ചാക്ഷരീ മന്ത്രം ഇവ പരിഹാരം. വെള്ളിയാഴ്ച ദിവസം അനുകൂലം.

മകയീരം: വിദേശത്ത് നിന്നും സാമ്പത്തിക നേട്ടം ഉണ്ടാകും. ധനലാഭം ഉണ്ടാകും. പ്രശസ്തിയും സന്തോഷവും ഉണ്ടാകും. പരീക്ഷാദികളിൽ വിജയസാദ്ധ്യതയുണ്ട്. വെള്ളിയാഴ്ച ദിവസം ദേവീദർശനം നടത്തുന്നതും, ചുവപ്പ് പുഷ്പങ്ങൾ കൊണ്ട് അർച്ചന നടത്തുന്നതും ഉത്തമം. വെള്ളിയാഴ്ച ദിവസം അനുകൂലം.

തിരുവാതിര: ധനലാഭം പ്രതീക്ഷിക്കാം. ഭൂമി, വാഹനം ഗൃഹോപഹരണങ്ങൾ ഇവ സമ്പാദിക്കാൻ അവസരം ഉണ്ടാകും. വിദേശയാത്രക്ക് ശ്രമിക്കുന്നവർക്ക് ആഗ്രഹം സഫലീകരിക്കും. കൂട്ടുബിസിനസിൽ ഏർപ്പെട്ടവർക്ക് അവിചാരിതമായി ധനലാഭം ഉണ്ടാകും. ശിവക്ഷേത്ര ദർശനം. തിങ്കളാഴ്ച ദിവസം അനുകൂലം.

പുണർതം: പിതൃഗുണം പ്രതീക്ഷിക്കാം, വിവാഹകാര്യത്തിൽ അനുകൂല തീരുമാനമെടുക്കും. സാമ്പത്തിക നേട്ടം ഉണ്ടാകും. സാമ്പത്തിക ഇടപാടുകളിൽ സൂക്ഷിക്കണം. പുതിയ വസ്ത്രങ്ങൾ ലഭിക്കും. ശിവന് ധാര അഘോര അർച്ചന നടത്തുക. ഞായറാഴ്ച ദിവസം അനുകൂലം.

പൂയം: വിവാഹകാര്യത്തിൽ തീരുമാനം എടുക്കും. ഗൃഹത്തിൽ ബന്ധുസമാഗമം പ്രതീക്ഷിക്കാം. സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം. ശിവന് ശംഖാഭിഷേകം നടത്തുക. തിങ്കളാഴ്ച ദിവസം അനുകൂലം.

ആയില്യം: കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം. ഗൃഹത്തിൽ മംഗളകർമ്മങ്ങൾ നടക്കും. കുടുംബ ജീവിതം സന്തോഷപ്രദമാകും. വാഹനലാഭം ഉണ്ടാകും. മണ്ണാറശാല ക്ഷേത്ര ദർശനം നടത്തുക. തിങ്കളാഴ്ച ദിവസം അനുകൂലം.

മകം: കലാപരമായി ബന്ധപ്പെട്ട് പ്രവർത്തിക്കുന്നവർക്ക് സാമ്പത്തിക നേട്ടം പ്രതീക്ഷിക്കാം. സഹോദര സ്ഥാനീയരിൽ നിന്നും സഹായം ലഭിക്കും.നൂതന ഗൃഹലാഭത്തിനു സാദ്ധ്യത. ശ്രീരാമസ്വാമിക്ക് അഷ്‌ടോത്തര അർച്ചന പരിഹാരമാകുന്നു. വ്യാഴാഴ്ച ദിവസം അനുകൂലം.

പൂരം: കർമ്മരംഗത്ത് ഉയർച്ച അനുഭവപ്പെടും. പുതിയ തൊഴിൽ സാദ്ധ്യത ഉണ്ടാകും. അപ്രതീക്ഷിതമായി പുതിയ സ്ഥാനമനങ്ങൾ ലഭിക്കും. ഗൃഹനിർമ്മാണത്തിന് വേണ്ടി ധനം ചെലവാക്കും. മഹാലക്ഷ്മിയെ പൂജിക്കുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

ഉത്രം: ഗൃഹത്തിൽ മംഗളകർമ്മങ്ങൾ നടക്കും. നൂതന വസ്ത്രാഭരണാദികൾ ലഭിക്കും. യാത്രകൾ ആവശ്യമായി വരും.മനസിന് സന്തോഷവും സമാധാനവും ലഭിക്കും. വിദേശത്ത് ജോലി ചെയ്യുന്നവർക്ക് ജോലിഭാരം വർദ്ധിക്കും. ഉന്നതവിദ്യക്ക് അനുകൂല സമയം. സർപ്പപ്രീതി വരുത്തുക. ബുധനാഴ്ച ദിവസം ഉത്തമം.

അത്തം: സന്താനങ്ങളാൽ മനഃസന്തോഷം ലഭിക്കും. പലവിധത്തിൽ സാമ്പത്തിക നേട്ടം ഉണ്ടാകും. ഗവേഷണ വിദ്യാർത്ഥികൾക്ക് പഠനം പൂർത്തിയാക്കാൻ സാധിക്കും.വെള്ളിയാഴ്ച ദിവസം ദേവീ ദർശനം നടത്തുന്നതും,ചുവപ്പ് പുഷ്പങ്ങൾ കൊണ്ട് അർച്ചന നടത്തുന്നതും ഉത്തമം. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.

ചിത്തിര: ഉന്നത കുടുംബത്തിൽ നിന്നും വിവാഹാലോചനകൾ വന്നെത്തും. ജോലിഭാരം വർദ്ധിക്കും. ഉദ്യോഗാർത്ഥികൾക്ക് ജോലി ലഭിക്കാൻ തടസം നേരിടും. സാമ്പത്തിക ഇടപാടുകൾ സൂക്ഷിച്ചു കൈകാര്യം ചെയ്യണം. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.

ചോതി: മാതൃഗുണം ലഭിക്കും. ഗൃഹത്തിൽ മംഗളകർമ്മങ്ങൾ നടക്കും. വിദ്യാർത്ഥികൾക്ക് അനുകൂല സമയം. മനസിന് സന്തോഷം തരുന്ന സന്ദേശങ്ങൾ ലഭിക്കും. തൊഴിൽരഹിതർക്ക് ജോലി ലഭിക്കാൻ തടസം നേരിടും. ഭഗവതി ക്ഷേത്ര ദർശനം, ചുവപ്പ് പട്ട് സമർപ്പിക്കുന്നത് ഉത്തമം. വ്യാഴാഴ്ച ദിവസം അനുകൂലം.

വിശാഖം: ഉന്നത വിദ്യയ്ക്ക് ആഗ്രഹിക്കുന്നവർക്ക് ആഗ്രഹം സഫലമാകും. കുടുംബപരമായി കൂടുതൽ ഉത്തരവാദിത്തങ്ങൾ ഏറ്റെടുക്കേണ്ടി വരും. കർമ്മസംബന്ധമായി നേട്ടങ്ങൾ അനുഭവപ്പെടും.ഏഴരശനികാലമായതിനാൽ അസമയത്തുള്ള യാത്രകൾ ഒഴിവാക്കുക. വ്യാഴാഴ്ച ദിവസം വിഷ്ണു ക്ഷേത്ര ദർശനം, തുളസിപ്പൂവ് കൊണ്ട് അർച്ചന, വിഷ്ണു സഹസ്രനാമം ജപിക്കുന്നതും ഉത്തമം. വ്യാഴാഴ്ച ദിവസം അനുകൂലം.

അനിഴം: പിതൃഗുണം പ്രതീക്ഷിക്കാം. വിവാഹകാര്യത്തിൽ അനുകൂല തീരുമാനമെടുക്കും.വിദ്യാർത്ഥികൾക്ക് അനുകൂല സമയം. ഈശ്വരാധീനം ഉള്ളതിനാൽ എല്ലാ ആപത്തുകളിൽ നിന്നും രക്ഷപ്പെടും. ശനിയാഴ്ച ദിവസം ശിവക്ഷേത്ര ദർശനം നടത്തുക. ശനിപ്രീതി വരുത്തണം. ശനിയന്ത്രം ധരിക്കുക. ശനിയാഴ്ച ദിവസം അനുകൂലം.

കേട്ട: സഹപ്രവർത്തകരിൽ നിന്നും നല്ല പെരുമാറ്റം ഉണ്ടാകും. പല വിധത്തിലുള്ള ചിന്തകൾ മനസിനെ അലട്ടും. വ്യാഴാഴ്ച ദിവസം വിഷ്ണുക്ഷേത്ര ദർശനം, ശനിയാഴ്ച ദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരം. തിങ്കളാഴ്ച ദിവസം അനുകൂലം.

മൂലം: പിതൃഗുണം ലഭിക്കും. യാത്രകൾ ഉല്ലാസപ്രദമാകും അവിവാഹിതരുടെ വിവാഹ കാര്യത്തിൽ തീരുമാനം എടുക്കും. കലാരംഗത്ത് പ്രവർത്തിക്കുന്നവർക്ക് അവസരങ്ങൾ കുറയും. ശിവക്ഷേത്ര ദർശനം, ജലധാര, ശനിയന്ത്രം ധരിക്കുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

പൂരാടം: ദാമ്പത്യ ജീവിതം സന്തോഷപ്രദമായിരിക്കും. മനസിന് സന്തോഷം തരുന്ന സന്ദേശങ്ങൾ ലഭിക്കും. ഏഴരശനികാലമായതിനാൽ സാമ്പത്തിക ഇടപാടുകളിൽ സൂക്ഷിക്കണം. ഗൃഹത്തിൽ ബന്ധുസമാഗമം പ്രതീക്ഷിക്കാം. ക്ഷേത്രങ്ങളിൽ അന്നദാനം നടത്തണം. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

ഉത്രാടം: കർമ്മസംബന്ധമായി യാത്രകൾ ആവശ്യമായി വരും. ഗൃഹാന്തരീക്ഷം പൊതുവേ സംതൃപ്തമായിരിക്കും. ഉപരിപഠനത്തിന് ശ്രമിക്കുന്നവർക്ക് അനുകൂലസമയം. വിദ്യാർത്ഥികൾ പഠന കാര്യത്തിൽ ഉത്സാഹം പ്രകടമാക്കും. ശിവന് ശംഖാഭിഷേകം നടത്തുക. ഞായറാഴ്ച ദിവസം അനുകൂലം.

തിരുവോണം: സന്താനങ്ങളാൽ കീർത്തി വർദ്ധിക്കും. തൊഴിൽ മുഖേന ആദായം വർദ്ധിക്കും. ഏഴരശനികാലമായതിനാൽ സംസാരത്തിൽ നിയന്ത്രണം പാലിക്കാൻ ശ്രദ്ധിക്കണം. സന്താനങ്ങളുടെ വിദ്യാഭ്യാസകാര്യത്തിൽ പ്രതീക്ഷിക്കാത്ത നേട്ടം ലഭിക്കും. ശ്രീകൃഷ്ണന് കദളിപഴം നിവേദിക്കുക. വ്യാഴാഴ്ച ദിവസം അനുകൂലം.

അവിട്ടം: ഗൃഹനിർമ്മാണത്തിനായി ധനം ചെലവഴിക്കും. പുതിയ വസ്ത്രങ്ങൾ ലഭിക്കും.പുതിയ സംരംഭങ്ങൾ തുടങ്ങാനുദ്ദേശിക്കുന്നവർക്ക് സമയം അനുകൂലമല്ല. ഏഴരശനികാലമായതിനാൽ ജോലി തടസം അനുഭവപ്പെടും. ശ്രീ പത്മനാഭസ്വാമിക്ഷേത്രത്തിൽ തുളസിപ്പൂവ് കൊണ്ട് അർച്ചന നടത്തുന്നതും പാൽപ്പായസം കഴിപ്പിക്കുന്നതും ഉത്തമം.

ചതയം: തൊഴിൽ മുഖേന ആദായം വർദ്ധിക്കും. ദാമ്പത്യ ജീവിതം സംതൃപ്തമായിരിക്കും, സാമ്പത്തിക ഇടപാടുകൾ സൂക്ഷിച്ചു കൈകാര്യം ചെയ്യണം. ശനിപ്രീതി വരുത്തുക, ശാസ്താക്ഷേത്ര ദർശനം നടത്തുക. വ്യാഴാഴ്ച ദിവസം അനുകൂലം.

പൂരുരുട്ടാതി: മനഃസന്തോഷം വർദ്ധിക്കും. ദമ്പതികൾ തമ്മിൽ ഐക്യതയോടെ കഴിയും. ഭാഗ്യപുഷ്ടി അനുഭവപ്പെടും കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. വ്യാഴാഴ്ച ദിവസം വിഷ്ണു ക്ഷേത്ര ദർശനം, തുളസിപ്പൂവ് കൊണ്ട് അർച്ചന, വിഷ്ണു സഹസ്രനാമം ജപിക്കുന്നതും ഉത്തമം. വ്യാഴാഴ്ച ദിവസം അനുകൂലം.

ഉത്രട്ടാതി: പിതാവിൽ നിന്നും സഹായസഹകരണങ്ങൾ ലഭിക്കും. വിവാഹാദി കർമ്മങ്ങളിൽ പങ്കെടുക്കും. ധനപരമായി നേട്ടങ്ങൾ ഉണ്ടാകും. മാതാവിൽ നിന്നും സഹായസഹകരണങ്ങൾ ലഭിക്കും. ഭഗവതിക്ക് കലശാഭിഷേകം നടത്തുക. വെള്ളിയാഴ്ച ദിവസം അനുകൂലം.

രേവതി: സാമ്പത്തിക ഇടപാടിൽ സൂക്ഷിക്കുക. പുണ്യക്ഷേത്ര ദർശനം ഉണ്ടാകും. സന്താനങ്ങളുടെ ആരോഗ്യകാര്യങ്ങൾക്കായി പണം ചെലവഴിക്കും. അനാവശ്യമായ സംസാരം ഒഴിവാക്കുക. ഞായറാഴ്ച വ്രതം, സൂര്യനമസ്‌ക്കാരം, സൂര്യഗായത്രി പരിഹാരം. ഞായറാഴ്ച ദിവസം അനുകൂലം.