വാഷിംഗ്ടൺ: ഇന്ത്യ നടത്തിയ ഉപഗ്രഹവേധ മിസൈൽ പരീക്ഷണത്തെ പിന്തുണച്ച് യു.എസ് പ്രതിരോധ ആസ്ഥാനമായ പെന്റഗൺ രംഗത്തെത്തി. ബഹിരാകാശത്ത് നിന്നുള്ള ഭീഷണിയിൽ ഇന്ത്യക്ക് ഉത്കണ്ഠയുള്ളതിനാലാണ് അത്തരത്തിലൊരു പരീക്ഷണം നടത്തിയതെന്നാണ് മനസ്സിലാകുന്നതെന്ന് യു.എസ് സ്ട്രാറ്റജിക് കമാൻഡർ ജനറൽ ജോൺ ഇ ഹെയ്തൻ പറഞ്ഞു. യു.എസ് സെനറ്റിലെ സൈനിക കമ്മിറ്റി അംഗങ്ങളോടാണ് അദ്ദേഹം ഇക്കാര്യം പറഞ്ഞത്.

ഇന്ത്യ ത​ക​ർ​ത്ത ഉ​പ​ഗ്ര​ഹം 400 ക​ഷ​ണ​ങ്ങ​ളാ​യി ചി​ത​റി​ത്തെ​റി​ച്ചു​വെ​ന്നും ഈ ​അ​വ​ശി​ഷ്​​ട​ങ്ങ​ൾ രാ​ജ്യാ​ന്ത​ര ബ​ഹി​രാ​കാ​ശ നി​ല​യ​ത്തി​നും ബ​ഹി​രാ​കാ​ശ യാ​ത്രി​ക​ർ​ക്കും അ​പ​ക​ട​ക​ര​മാ​യ സാ​ഹ​ച​ര്യ​മാ​ണു സൃ​ഷ്​​ടി​ക്കു​ക​യെ​ന്നും നാ​സ അ​ഡ്​​മി​നി​സ്​​ട്രേ​റ്റ​ർ ജിം ​ബ്രൈ​ഡ​ൻ​സ്​​റ്റൈ​ൻ പറഞ്ഞിരുന്നു. ഇത് പൂർണമായി തളളാതെയായിരുന്നു ഹെയ‌്തൻ പറഞ്ഞത്. അവശിഷ്ടങ്ങൾ സൃഷ്ടിക്കുന്ന കൂടുതൽ പരീക്ഷണങ്ങൾ ആഗ്രഹിക്കുന്നില്ലെന്നും അദ്ദേഹം വ്യക്തമാക്കി. ഭൂമിയിൽ നിന്നു 300 കിലോമീറ്റർ മാത്രം അകലെയുളള കൃത്രിമോപഗ്രഹമാണു ഉപഗ്രഹവേധ മിസൈൽ ഉപയോഗിച്ചു ഇന്ത്യ തകർത്തത്.

ബഹിരാകാശത്ത് സ്വയം പ്രതിരോധിക്കാനുള്ള കഴിവ് അവർക്കുണ്ടെന്ന് തോന്നുന്നുവെന്നും അദ്ദേഹം പറഞ്ഞു. ഇന്ത്യ നടത്തിയ പരീക്ഷണത്തെ തുടർന്നുണ്ടായ അവശിഷ്ടങ്ങളെ സംബന്ധിച്ചുള്ള സെനറ്റർമാരുടെ ചോദ്യത്തിന് മറുപടി പറയുകയായിരുന്നു അദ്ദേഹം. ബഹിരാകാശ നിലയത്തിൽ നിന്നും ഏറെ താഴെയാണു ഉപഗ്രഹം സ്ഥിതി ചെയ്തിരുന്നതെങ്കിലും ചിതറിയ ഉപഗ്രഹത്തിന്റെ 24 കഷ്ണങ്ങൾ ബഹിരാകാശ നിലയത്തിന്റെ ഭ്രമണപഥത്തിലേക്ക് എത്തിയെന്നും പരീക്ഷണം സൃഷ്ടിച്ച മാലിന്യം കൂട്ടിയിടിയുടെ സാധ്യത 44 ശതമാനമാണു വർധിപ്പിച്ചതെന്നും ജിം ബ്രൈഡന്‍സ്‌റ്റൈന്‍ അഭിപ്രായപ്പെട്ടിരുന്നു. ഭാവിയിലെ മനുഷ്യന്റെ ബഹിരാകാശ സഞ്ചാരത്തിനു ഇത്തരം പ്രവൃത്തികൾ ഗുണകരമല്ലെന്നും ഭയാനകരമായ സാഹചര്യമാണു നിലവിൽ ഉളളതെന്നും ജിം ബ്രൈഡൻസ്‌റ്റൈൻ പറഞ്ഞിരുന്നു.

എന്നാൽ,​ പരീക്ഷണം നടത്തി 45 ദിവസത്തിനുള്ളിൽ എല്ലാ അവശിഷ്ടങ്ങളും അലിഞ്ഞുതീരുമെന്നു ഇന്ത്യൻ പ്രതിരോധ ഗവേഷണ വികസന സ്ഥാപന (ഡി.ആർ.ഡി.ഒ.) മേധാവി ജി. സതീഷ് റെഡ്ഡി പ്രതികരിച്ചു. ഉ​പ​ഗ്ര​ഹ​വേ​ധ മി​സൈ​ൽ പ​രീ​ക്ഷ​ണം മൂലം ഉണ്ടായ ബഹിരാകാശ മാലിന്യങ്ങൾ കത്തിനശിക്കുമെന്ന ഇ​ന്ത്യ​യു​ടെ വാദത്തെ പിന്തുണച്ച്​ പെൻറഗൺ വക്​താവ്​ ചാർലി സമ്മേഴ്​സും​ രംഗത്തു വന്നിരുന്നു.

ബ​ഹി​രാ​കാ​ശ​ത്തെ കി​ട​മ​ത്സ​ര​ത്തി​​​ന്റെറ ല​ക്ഷ​ണ​മാ​യി ഇ​ന്ത്യ​ൻ ഉ​പ​ഗ്ര​ഹ​വേ​ധ പ​രീ​ക്ഷ​ണ​ത്തെ കാ​ണ​ണമെന്നായിരുന്നു മാർച്ച്​ 28ന് യു.​എ​സ് പ്ര​തി​രോ​ധ സെ​ക്ര​ട്ട​റി പാ​ട്രി​ക് ഷാ​ന​ഹാ​​ൻ ആ​വ​ശ്യ​പ്പെ​ട്ട​ത്. ഒ​രു​പാ​ടു​കാ​ലം നി​ൽ​ക്കാ​തെ മാ​ലി​ന്യം ക​ത്തി​ത്തീ​രു​മെന്നു പ്രതീക്ഷിക്കുന്നതായും അദ്ദേഹം പറഞ്ഞിരുന്നു.