pop-

വത്തിക്കാൻ സിറ്റി: ദക്ഷിണ സുഡാനിലെ പ്രസിഡന്റ് സാൽവ കീറി​ന്റെയും മുൻ വൈസ് പ്രസിഡന്റും പ്രതിപക്ഷനേതാവുമായ റീക്​ മാഷറി​ന്റെയും പാദം ചുംബിച്ച്​ ഫ്രാൻസിസ്​ മാർപാപ്പ. ശത്രുത അവസാനിപ്പിച്ച്​ സമാധാന നടപടികളു​മായി മുന്നോട്ടുപോകാനുള്ള ആഹ്വാനവുമായാണ്​ 82 വയസുള്ള മാർപാപ്പ ഇരുനേതാക്കളുടെയും പാദം ചുംബിച്ചത്. അപൂർവ്വങ്ങളിൽ അപൂർവമായ സംഭവമെന്നാണ് ലോകം ഈ മാർപ്പാപ്പയുടെ ഈ അപ്രതീക്ഷിത നടപടിയെ വിശേഷിപ്പിച്ചത്.

ദക്ഷിണ സുഡാനിൽ സമാധാന ഉടമ്പടിയിൽ ഒപ്പുവെക്കാൻ ഇരുനേതാക്കളും തയ്യാറാകണമെന്ന്​ പോപ്​ ആവശ്യപ്പെട്ടു. അതിനു ശേഷമായിരുന്നു മുട്ടുകുത്തി ഒാരോരുത്തരുടെയും പാദം ചുംബിച്ചത്​. വത്തിക്കാനിൽ നടന്ന ചർച്ചയിലായിരുന്നു സംഭവം. വിശേഷ ദിവസങ്ങളിൽ തടവുകാരുടെയും മറ്റും പാദം കഴുകാറുണ്ട്​ മാർപാപ്പ. എന്നാൽ, രാഷ്​ട്രീയ നേതാക്കളുടെ പാദം ചുംബിക്കുന്നത്​ അപൂർവമാണ്​.