സിനിമയിലെ പോലെ മിന്നുന്ന ജീവിതമായിരിക്കില്ല പല സിനിമാ താരങ്ങളുടെയും വ്യക്തി ജീവിതത്തിലേത്. അത്തരത്തിൽ ജീവിതത്തിൽ പരാജയപ്പെട്ടുപോയ പലതാരങ്ങളെയും നമുക്ക് അറിയാം. മലയാളത്തിൽ വൻവിജയം നേടിയ ഒട്ടേറെ ചിത്രങ്ങളിൽ നായികയായിരുന്ന താരമാണ് സംഗീത. ദീപസ്തംഭം മഹാശ്ചര്യം, ഇംഗ്ലീഷ് മീഡിയം, എഴുപുന്ന തരകൻ, ഉത്തമൻ, സമ്മർ ഇൻ ബെത്​ലേഹേം തുടങ്ങി ഒട്ടേറെ ചിത്രങ്ങളിലൂടെ മലയാളിക്ക് പ്രിയങ്കരിയായിരുന്നു സംഗീത.

സ്വന്തം അമ്മയ്ക്കെതിരെ വിമർശനവുമായി എത്തിയിരിക്കുകയാണ് താരം. വ്യക്തി ജീവിതത്തിൽ തനിക്ക് അനുഭവിക്കേണ്ടി വന്ന ദുരിതങ്ങളും അമ്മ തന്നോട് ചെയ്ത ക്രൂരതകളും,​ ചൂഷണങ്ങളും എല്ലാം താരം ട്വീറ്റിൽ കുറിച്ചിട്ടുണ്ട്. മലയാളത്തിലടക്കം തെന്നിന്ത്യൻ ഭാഷകളിലെല്ലാം മിന്നി നിന്നിരുന്ന താരത്തിന്റെ ട്വീറ്റ്‌‌‌ സോഷ്യൽ മീഡയയിൽ വൈറലായിരിക്കുകയാണ്. ഒരമ്മ എങ്ങനെയാകരുതെന്നും ജീവിതത്തിൽ തന്നോട് കാട്ടിയ ക്രൂരതകൾക്കെല്ലാം നന്ദി പറഞ്ഞുകൊണ്ടാണ് സംഗീത ട്വീറ്റ്‌ ചെയ്തിരിക്കുന്നത്.

തന്നെ വീട്ടിൽ നിന്നും പുറത്താക്കിയെന്ന് ചൂണ്ടിക്കാട്ടി സംഗീതയുടെ അമ്മ നേരത്തേ രംഗത്തെത്തിയിരുന്നു. വാർത്തകൾ പുറത്തുവന്നതോടെ സംഗീതയെ കുറിച്ച് മോശമായ പല അപവാദ പ്രചരണങ്ങളും സോഷ്യൽ മീഡിയയിൽ സജീവമായി. ഇതിന് പിന്നാലെയാണ് അമ്മയുടെ ക്രൂരതകൾ വിവരിച്ച് താരം ട്വീറ്റ് ചെയ്തത്.

പോസ്റ്റി‌ന്റെ പൂർണരൂപം...
‘പ്രിയപ്പെട്ട അമ്മേ, എന്നെ ജനിപ്പിച്ചതിന് നന്ദി. സ്കൂളിൽ പോയിരുന്ന എന്നെ പതിമൂന്നു വയസുമുതൽ ജോലിക്ക് പറഞ്ഞുവിട്ടതിന് നന്ദി. ഒരു പണിയും ചെയ്യാത്ത മദ്യത്തിനും ലഹരിക്കും അടിമകളായ നിങ്ങളുടെ ആൺമക്കളുടെ സൗകര്യത്തിന് എന്നെ ചൂഷണം ചെയ്തതിന് നന്ദി. ഒരുപാട് ബ്ലാങ്ക് ചെക്കുകൾ എന്നെ കൊണ്ട് ഒപ്പിട്ട് വാങ്ങിച്ചതിന് നന്ദി. നിങ്ങളുടെ ആവശ്യങ്ങൾക്ക് വഴങ്ങാതെ വന്നതോടെ എന്നെ വീട്ടിൽ തളച്ചിട്ടതിന് നന്ദി. കല്ല്യാണം കഴി‍ഞ്ഞിട്ട് പോലും എന്നെയും ഭർത്താവിനെയും സ്വസ്ഥമായി ജീവിക്കാൻ അനുവദിക്കാത്തതിന് നന്ദി. എല്ലാത്തിലും ഉപരിയായി ഒരു അമ്മ എങ്ങനെയാവരുെതന്ന് പഠിപ്പിച്ചതിന് നന്ദി. ആരോടും മിണ്ടാതെ എതിർത്ത് ഒരുവാക്കും പറയാതെ കഴിഞ്ഞിരുന്ന എന്നെ ഇത്ര കരുത്തുള്ളവളാക്കിയതിനും നന്ദി.’ സംഗീത ട്വിറ്റ‌റിൽ കുറിച്ചു.

To all my well wishers.. Thank u for always being there for me . And to all film lovers , IT IS NOT EASY TO BE AN ACTOR. pic.twitter.com/RuEjkTHpZT

— sangithakrish (@sangithakrish) April 12, 2019