കൊച്ചി: അമേരിക്കയിൽ നിന്നുള്ള മത്സ്യങ്ങൾ 15000 കിലോമീറ്ററുകളോളം സഞ്ചരിച്ച് ഇന്തോനേഷ്യയിലെത്തി പ്രസവിച്ച കുഞ്ഞുങ്ങളുമായി തിരിച്ചു പോകുന്നുണ്ടെന്ന പുതിയ വാദങ്ങളുമായി പി.വി അൻവർ. ഇങ്ങനെ നമുക്ക് അവിശ്വസനീയമായി തോന്നുന്ന പലതും ശാസ്ത്രീയമായി തെളിയിക്കപ്പെട്ടിട്ടുണ്ടെന്നും അൻവർ പറഞ്ഞു. ഒരു സ്വകാര്യ ചാനലിൽ നടന്ന സംവാദത്തിനിടെയാണ് ഇക്കാര്യം വിശദീകരിച്ചത്.

ജപ്പാൻ കുടിവെള്ള പദ്ധതിയ്ക്ക് പിന്നിലെ കാരണം വെളിപ്പെടുത്തിയതിന് ശേഷമാണ് വ്യത്യസ്ത വാദമുയർത്തി പൊന്നാനിയിലെ എൽ.ഡി.എഫ് സ്ഥാനാർത്ഥി കൂടിയായ അൻവർ രംഗത്തെത്തിയത്. അങ്ങനെ എത്രയെത്രെ കാര്യങ്ങൾ. അമേരിക്കയിൽ പ്രസവിക്കുന്ന മത്സ്യങ്ങൾ 15000 കിലോമീറ്ററുകളോളം സഞ്ചരിച്ച് ഇന്തോനേഷ്യലെത്തി പ്രസവിച്ച് കുഞ്ഞുങ്ങളുമായി തിരിച്ചുപോകുന്നുണ്ട്. ഇതൊക്കെ പറഞ്ഞാൽ നിങ്ങൾ വിശ്വസിക്കുമോ? ഇങ്ങനെ നമുക്ക് അവിശ്വസനീയമായി തോന്നുന്ന പലതും ശാസ്ത്രീയമായി തെളിയിക്കപ്പെട്ടിട്ടുണ്ട്" അൻവർ വ്യക്തമാക്കി.

ജപ്പാനിൽ മഴ പെയ്യുന്നത് പശ്ചിമഘട്ടത്തിൽ നിന്നുള്ള മഴമേഘങ്ങൾ മൂലമാണെന്നുള്ള വാദത്തിൽ അദ്ദേഹം ഉറച്ചുനിന്നു. ഇക്കാര്യത്തിൽ സംവാദത്തിന് തയ്യാറാണെന്നും അദ്ദേഹം കൂട്ടിച്ചേർത്തു. ജപ്പാനിൽ ഇപ്പോഴും മഴ പെയ്യുന്നത് പശ്ചിമ ഘട്ടത്തിലെ കാർമേഘങ്ങളുടെ സാന്നിദ്ധ്യം കൊണ്ടുതന്നെയാണ്. നിങ്ങൾക്ക് ധൈര്യമുണ്ടെങ്കിൽ തെരഞ്ഞെടുപ്പിന് ശേഷം ഒരു സംവാദത്തിന് തയ്യാറാണ്. 23 ന് വോട്ടെടുപ്പ് അവസാനിക്കും. 25 ന് ശേഷമുള്ള ഒരു ദിവസം തീരുമാനിച്ചോ. ഒരു മണിക്കൂർ സംവാദം. എല്ലാവരെയും വിളിക്കാം" അൻവർ പറഞ്ഞു.താൻ വാദിച്ച കാര്യം 2002 വരെ നാസയുടെ വെബ്സൈറ്റിൽ ഉണ്ടായിരുന്നുവെന്നും അദ്ദേഹം പറഞ്ഞു.