ന്യൂഡൽഹി: ഇന്ത്യയിലെ മൂന്നാമത്തെ വലിയ ഐ.ടി കമ്പനിയായ വിപ്രോ കഴിഞ്ഞ സാമ്പത്തിക വർഷത്തെ അവസാന ത്രൈമാസത്തിൽ (ജനുവരി-മാർച്ച്)​ 2,​483.5 കോടി രൂപ ലാഭം രേഖപ്പെടുത്തി. മുൻവർഷത്തെ സമാനപാദത്തിലെ 2,​510.4 കോടി രൂപയേക്കാൾ 1.07 ശതമാനം കുറവാണിത്. മൊത്തം വിറ്റുവരവ് 15,​059.5 കോടി രൂപയിൽ നിന്ന് 0.35 ശതമാനം താഴ്‌ന്ന് 15,​006.30 കോടി രൂപയായി.

അതേസമയം 10,​500 കോടി രൂപയുടെ ഓഹരികൾ നിക്ഷേപകരിൽ നിന്ന് തിരികെ വാങ്ങാൻ വിപ്രോയുടെ ഡയറക്‌ടർ ബോർഡ് തീരുമാനിച്ചു. മൊത്തം പെയ്ഡ്-അപ്പ് ഓഹരികളുടെ 5.35 ശതമാനമാണിത്. ഓഹരിയൊന്നിന് 325 രൂപ വീതം നൽകി 32.30 കോടി ഓഹരികളാണ് തിരികെവാങ്ങുന്നത്.