തീവണ്ടിക്ക് ശേഷം ടൊവിനോ തോമസും സംയുക്ത മേനോനും വീണ്ടും ഒന്നിക്കുന്നു. നവാഗതനായ സ്വപ്നേഷ് .കെ. നായർ സംവിധാനം ചെയ്യുന്ന എടക്കാട് ബറ്റാലിയൻ 06 എന്ന ചിത്രത്തിലൂടെയാണിത്. പി.ബാലചന്ദ്രന്റെ തിരക്കഥയിലാണ് ചിത്രം ഒരുങ്ങുന്നത്. കമ്മട്ടിപ്പാടത്തിനുശേഷം പി.ബാലചന്ദ്രൻ തിരക്കഥ എഴുതുന്ന സിനിമയാണിത്.ആരവത്തിനുശേഷം ടൊവിനോ എടക്കാട് ബറ്റാലിയൻ 06ൽ അഭിനയിക്കും.സിനു സിദ്ധാർത്ഥാണ് കാമറ.റൂബി ഫിലിംസിന്റെ ബാനറിൽ ഡോ.ശ്രീകാന്ത് ഭാസി, തോമസ് ജോസഫ് പട്ടത്താനം, ജയന്ത് മാമ്മൻ എന്നിവർ ചേർന്ന് നിർമ്മിക്കുന്നു.