ഒരു വീട്ടിലെ നേതാവ് പുരുഷനാണെന്നും അതിനാൽ ഭാര്യയെ നിലയ്ക്ക് നിർത്തുവാൻ തല്ലേണ്ടിവരുമെന്നും അത് എങ്ങനെയായിരിക്കണമെന്നുമുള്ള വീഡിയോ പുറത്ത് വിട്ട് യുവാവ്. അബിദ് അൽ അസീസ് അൽ ഖസ്രജ് എന്ന അറബ് വംശജനാണ് ഇത്തരത്തിലൊരു വീഡിയോ ഭർത്താക്കൻമാർക്കായി സോഷ്യൽ മീഡിയയിലൂടെ പങ്ക്വച്ചിരിക്കുന്നത്.വിവാഹം കഴിയുന്നതോടെ എങ്ങനെ ഭാര്യയെ തല്ലണമെന്ന സംശയം എല്ലാ ഭർത്താക്കൻമാർക്കും ഉണ്ടാവുമെന്നും അതിനാലാണ് ഈ വീഡിയോ പുറത്ത് വിടുന്നതെന്നും യുവാവ് അഭിപ്രായപ്പെടുന്നുണ്ട്.

കുടുംബത്തിൽ അച്ചടക്കം വളരെ അത്യാവശ്യമാണ്, അതിനാൽ ഭർത്താവിന്റെ ശക്തിയും ബലവും ഭാര്യ ശരിക്കും മനസിനാക്കണം അതിനാൽ ഭാര്യയുടെ തോൾ ഭാഗത്തിന് ഇരുവശത്തുമായി ചെറുതായി അടിക്കുകയാണ് ചെയ്യേണ്ടതെന്നും അതല്ലാതെ മുഖത്തോ മറ്റ് ശരീരഭാഗങ്ങളിലോ തല്ലരുതെന്നും ഇയാൾ വീഡിയോയിൽ പറയുന്നു. ഒരു ബാലനെ ഭാര്യയായി സങ്കൽപ്പിക്കൂ എന്ന് പറഞ്ഞാണ് മർദ്ദനത്തിന്റെ ഡെമോ നൽകിയിരിക്കുന്നത്. ഇത് വരെ എഴുപത്തഞ്ച് ലക്ഷത്തോളം പേർ ഈ വീഡിയോ കണ്ടിട്ടുണ്ട്. നിരവധി പേർ വിമർശനവുമായി രംഗത്ത് എത്തുകയും ചെയ്തിട്ടുണ്ട്..