തിരുവനന്തപുരം : കോരുത്തോടിനെ കേരളത്തിന്റെ കായിക ചരിത്രത്തിൽ അടയാളപ്പെടുത്തിയ കായികാദ്ധ്യാപകൻ തോമസ് മാഷിനെകാണാൻ ഇന്നലെ അപ്രതീക്ഷിതമായി ഒരു പഴയശിഷ്യയെത്തി. കാൽനൂറ്റാണ്ടുമുമ്പ് തന്റെ കോരുത്തോട്ടെ വീട് ഹോസ്റ്റലാക്കി തുടങ്ങിയ കായിക കളരിയിലെ ആദ്യ ബാച്ചിൽ അഞ്ജു ബോബി ജോർജിനൊപ്പമുണ്ടായിരുന്നവൾ. വാഹനാപകടത്തെത്തുടർന്ന് കൈവിട്ടുപോയ കായിക ജീവിതം മാരത്തോൺ വേദികളിലൂടെ വീണ്ടും കരുപ്പിടിപ്പിച്ച സോജ സിയ എന്ന 40 കാരി.

തോമസ് മാഷിന്റെ വീട്ടിൽ താമസിച്ച് പരിശീലനം നടത്തിയിരുന്ന സോജയെക്കുറിച്ച് കഴിഞ്ഞ ഫെബ്രുവരി നാലിന് കേരള കൗമുദി വാർത്ത നൽകിയിരുന്നു. ഇത് കണ്ട് അഞ്ജു ഉൾപ്പടെയുള്ളവർ ചേർന്ന് പഴയകൂട്ടുകാരിയെ തപ്പിപ്പിടിക്കുകയായിരുന്നു. ഇന്നലെ ഭർത്താവിനും പിതാവിനുമൊപ്പമാണ് സോജ പഴയ ഗുരുനാഥനെ കാണാനെത്തിയത്. സോജയെ വീണ്ടും കാണനായതിൽ ഏറ്റവും സന്തോഷം തോമസ് മാഷിനായിരുന്നു. കഴിഞ്ഞ വർഷം പാലായിൽ വച്ച് തോമസ് മാഷിനെ അദ്ദേഹത്തിന്റെ ആയിരത്തോളം ശിഷ്യർ ചേർന്ന് ആദരിച്ചിരുന്നു. അന്ന് കാണാതെപോയ തന്റെ പ്രിയപ്പെട്ട കുഞ്ഞാടിനെ തിരിച്ചുകിട്ടി എന്നാണ് മാഷ് സോജയെ ചേർത്തുനിറുത്തി പറഞ്ഞത്. ഇപ്പോഴും കായികരംഗത്ത് തുടരുന്നതിനെ അഭിന്ദിക്കുകയും ചെയ്തു. സോജയ്ക്കും കുടുംബത്തിനും ഗംഭീരമായ ഉൗണും നൽകിയാണ് ഗുരു മടക്കി അയച്ചത്.

സോജയുടെ കഥ

കോ​ട്ട​യം​ ​ക​റു​ക​ച്ചാ​ലി​ൽ​ ​ജ​നി​ച്ചു​വ​ള​ർ​ന്ന​ ​സോ​ജ​യും സഹോദരിയും സ്പോർട്സിനോടുള്ള താത്പര്യം കാരണമാണ് കോ​രു​ത്തോ​ടെത്തിയത്. ​സി.​ ​കേ​ശ​വ​ൻ​ ​മെ​മ്മോ​റി​യ​ൽ​ ​സ്കൂ​ളി​ൽ​ ​പ​ഠ​നം,​ ​​തോ​മ​സ് ​മാ​ഷി​ന്റെ​ ​വീ​ട്ടി​ൽ​ ​താ​മ​സം.​ ​സ്കൂ​ൾ​ ​കാ​യി​ക​ ​മേ​ള​ക​ളി​ൽ​ 3000,​ 10000​ ​മീ​റ്റ​റു​ക​ളി​ൽ​ ​മാ​റ്റു​ര​ച്ച​ ​സോ​ജ​ ​കോ​ളേ​ജി​ലേ​ക്കെ​ത്തി​യ​പ്പോ​ൾ​ ​സൈ​ക്ളിം​ഗി​ലേ​ക്ക് ​ട്രാ​ക്ക് ​മാ​റി.​ ​പ​ക്ഷേ​ ​ഒ​രു​ ​ലോ​റി​യു​മാ​യി​കൂ​ട്ടി​യി​ടി​ച്ചു​ണ്ടാ​യ​ ​പ​രി​ക്ക് ​കാ​യി​ക​ ​ജീ​വി​ത​ത്തി​ന് ​താ​ത്കാ​ലി​ക​ ​വി​രാ​മ​മി​ട്ടു.​ ​അ​ത് 18​ ​വ​ർ​ഷ​ത്തേ​ക്ക് ​നീ​ളു​മെ​ന്ന് ​സോ​ജ​ ​ക​രു​തി​യ​തു​മി​ല്ല.​ ​ഇ​തി​നി​ട​യി​ൽ​ ​വി​വാ​ഹി​ത​യാ​യി.​ ​മ​ക​ൻ​ ​പി​റ​ന്നു,​ ​കെ.​എ​സ്.​എ​ഫ്.​ഇ​യി​ൽ​ ​ജോ​ലി​യാ​യി.​ ​തി​രു​വ​ന​ന്ത​പു​ര​ത്തേ​ക്ക് ​ജീ​വി​ത​വും​ ​പ​റി​ച്ചു​ന​ട​പ്പെ​ട്ടു.
ത​ന്റെ​ ​കാ​യി​ക​ ​ആ​വേ​ശം​ ​മ​ക​നി​ലേ​ക്ക് ​പ​ക​രാ​ൻ​ ​ര​ണ്ടാം​ക്ളാ​സു​മു​ത​ൽ​ ​അ​വ​നെ​ ​സ്കേ​റ്റിം​ഗി​ന് ​വി​ട്ടു.​ ​അ​വ​ൻ​ ​പ​തി​യെ​ ​സൈ​ക്ളിം​ഗി​ലേ​ക്ക് ​തി​രി​ഞ്ഞു.​ ​മ​ക​ൻ​ ​ദേശീ​യ​ ​ചാ​മ്പ്യ​ൻ​ഷി​പ്പു​ക​ളി​ൽ​ ​മ​ത്സ​രി​ച്ചു​ ​തു​ട​ങ്ങി​യ​പ്പോ​ൾ​ ​അ​മ്മ​യ്ക്കും​ ​മോ​ഹം,​ ​പ​ഴ​യ​ ​സ്വ​പ്ന​ങ്ങ​ൾ​ ​ഒ​ന്നു​ ​തേ​ച്ചു​മി​നു​ക്കാ​ൻ.​ 2017​ ​ൽ​ ​കൊ​ച്ചി​യി​ൽ​ ​ജോ​ലി​ ​നോ​ക്ക​വേ​ ​നേ​വി​ ​മാ​ര​ത്തോ​ണി​ൽ​ ​മ​ത്സ​രി​ച്ചു​നോ​ക്കി.​ ​മ​ന​സി​നൊ​പ്പം​ ​ശ​രീ​ര​വും​ ​ത​യ്യാ​റാ​ണെ​ന്ന് ​ക​ണ്ട​തോ​ടെ​ ​പ​രി​ശീ​ല​നം​ ​കാ​ര്യ​മാ​യി​ത്ത​ന്നെ​ ​തു​ട​ങ്ങി.
ഏ​ഴി​മ​ല​ ​നാ​വി​ക​ ​അ​ക്കാ​ദ​മി​യു​ടെ​ 10​ ​കി.​മീ​ ​മാ​ര​ത്തോ​ണി​ൽ​ ​ഒ​ന്നാം​സ്ഥാ​നം​ ​നേ​ടി​ ​തു​ട​ക്കം.​ ​ചെ​ന്നൈ​ ​ഹാ​ഫ് ​മാ​ര​ത്തോ​ണി​ൽ​ ​മൂ​ന്നാം​സ്ഥാ​നം.​ ​തി​രു​വ​ന​ന്ത​പു​ര​ത്ത് ​ന​ട​ന്ന​ ​എ​സ്.​ബി.​ഐ​ ​ഗ്രീ​ൻ​ ​മാ​ര​ത്തോ​ണി​ൽ​ ​ഒ​ന്നാം​സ്ഥാ​നവും ​മി​ഡ്നൈ​റ്റ് ​മാ​ര​ത്തോ​ണി​ലെ​ ​മൂ​ന്നാം​സ്ഥാ​ന​വും​ ​സോ​ജ​യെ​​ത്തേ​ടി​യെ​ത്തി.​ ​പി​ന്നെ​ ​അ​ൾ​ട്രാ​ ​റ​ണ്ണിലും ​മാസ്റ്റേഴ്സ് മീറ്റുകളിലും മെഡൽ നേട്ടം.

25 കൊല്ലങ്ങൾക്ക് ശേഷം ഇങ്ങനെയൊരു ശിഷ്യ എന്നെത്തേടിയെത്തിയതിൽ സന്തോഷവും അത്ഭുതവുമുണ്ട്.കഴിഞ്ഞ കൊല്ലം ശിഷ്യർ ചേർന്ന് ഗുരുവന്ദനം നടത്തിയപ്പോൾ സോജയെ മാത്രമാണ് മിസ് ചെയ്തത്. കളഞ്ഞുപോയ കുഞ്ഞാടിനെ തിരികയെത്തിച്ചത് കേരള കൗമുദിയിലെ വാർത്തയാണ്. ഏറ്റവും കൗതുകം അന്നത്തെ കുട്ടികളിൽ ഇപ്പോഴും ഒാട്ടക്കാരിയായി മെഡൽ നേടുന്നത് സോജ മാത്രമാണെന്നതാണ്. - തോമസ് മാഷ്

മാഷിനെ കാണണമെന്നും ഞാനിപ്പോഴും കായിക രംഗത്തുണ്ടെന്ന് അറിയിക്കണമെന്നും അതിയായി ആഗ്രഹിച്ചിരുന്നു. ആ കൈകളാൽ ചേർത്ത് പിടിക്കപ്പെട്ടപ്പോൾ പഴയ കൊച്ചുപെൺകുട്ടിയായി മാറിയതുപോലെ.ഇൗ സ്വപ്നസാഫല്യത്തിന് വഴിയൊരുക്കിയതിന് കേരള കൗമുദിയിൽ വന്ന വാർത്തയോട് ഏറെ കടപ്പെട്ടിരിക്കുന്നു. - സോജ സിയ