പത്തനംതിട്ട: ലോക്‌സഭ തിരഞ്ഞെടുപ്പിന് മണിക്കൂറുകൾ ശേഷിക്കെ ബി.ജെ.പി സ്ഥാനാർത്ഥി കെ. സുരേന്ദ്രനെ അപകീർത്തിപ്പെടുത്താൻ ശ്രമം. സുരേന്ദ്രനെതിരെ ലഘുലേഖ വിതരണം ചെയ്ത കോൺഗ്രസ് പ്രവർത്തകർ പൊലീസ് കസ്റ്റഡിയിലായി. റാന്നി വലിയ കുളത്ത് വീടുകളിൽ ലഘുലേഖ വിതരണം ചെയ്യുന്നതിനിടയിൽ നാല് കോണ്‍ഗ്രസ് പ്രവർത്തകരാണ് പൊലീസിന്റെ പിടിയിലാകുന്നത്.
ബി.ജെ.പി പ്രവർത്തകർ ഇവരെ തടഞ്ഞ് പൊലീസിൽ ഏൽപ്പിക്കുകയായിരുന്നു. ഇവരുടെ കെെയിൽ നിന്നും ലഘുലേഖകളും രണ്ട് കാറുകളും പൊലീസ് കണ്ടെടുത്തു. സേവ് ശബരിമല ഫോറം എന്ന പേരിൽ ലഘുലേഖ വിതരണം ചെയ്യാൻ എത്തിയപ്പോഴാണ് പിടിയിലാകുന്നത്.